«Ես սիրում եմ քեզ». նախկին կինը վերադարձել է Արմեն Ջիգարխանյանի մոտ

Տատյանա Վլասովան՝ Ռուսաստանի ժողովրդական արտիստ Արմեն Ջիգարխանյանի նախկին կինը, Լաս Վեգասից վերադարձել է նրա մոտ՝ Մոսկվա։ Նրանք ամանորյա տոները միասին են անցկացնում, հայտնում է KP.ru-ն։

«Բառացիորեն երեք օր առաջ նա ինձ կյանքում առաջին անգամ ասաց. «Ես քեզ շատ եմ սիրում»։ Երբեք սեր չէր խոստովանել։ Ոչ թե այն պատճառով, որ չէր սիրում, պարզապես ասում էր, որ սերն ապացուցում է վերաբերմունքով ու քայլերով…»,- «Пусть говорят» շոուի ընթացքում իր տեղափոխությունը բացատրել է Տատյանան։