Ոչ մի տղամարդ գոգնոց կապած ճաշ չի եփում խոհանոցում,էսօր որոշել եք փոխե՞լ դարերով եկած ավանդույթները.քննարկում (video)
2019 թվականը հակասություններով լի տարի էր, մինչդեռ նոր իշխանությունը պետք է այնպես աներ, որ տարին դրական լիներ։ Այս մասին Անժելա Թովմասյանի՝ «Արմնյուզ» ՀԸ եթերում հեռարձակվող հեղինակային «Հայելու առաջ» հաղորդաշարի ժամանակ ասել է ՀՀԿ անդամ Կարինե Աճեմյանը։ Վերջինիս դիտարկմամբ՝ տարվա ամենամեծ բացթողումը թշնամանքի ու վախի մթնոլորտի մեծացումն էր։
Հաղորդման մյուս հյուրի՝ տնտեսագետ, պրոֆեսոր Վարդան Բոստանջյանի կարծիքով էլ հասարակության համար շատ կարևոր էին փոփոխությունները, որոնց արդյունքը պետք է ակնհայտ լիներ, սակայն կարևորագույն հարցերում մենք չենք տեսնում առաջխաղացում. «Մեծ հաշվով մենք տեսնում ենք, որ տարաբախտ ռեժիմում գտնվողները չունեն որևէ տեսլական, բայց ունեն իշխանությունը պահելու անհագուրդ ձգտում»։
Հոգեբան Սամվել Խուդոյանի կարծիքով՝ անցնող տարում եղել են դրական փոփոխություններ: Ըստ նրա՝ համակարգային կոռուպցիան վերացել է. «Անցյալում կար կոռուպցիոն բուրգ, իսկ այսօր տեսնում ենք, որ բուրգի վերևում գտնվողները կոռուպցիայի մեջ չեն, չնայած ներքևում կոռուպցիան դեռ կա»։
Կարինե Աճեմյանի հարցին՝ հոգեբանի դիտարկմամբ՝ մթնոլորտն ինչպիսի՞ն է, Խուդոյանը պատասխանել է, որ ժամանակին կրիմինալ մթնոլորտ էր, մինչդեռ այսօր նման բան չկա, որի հետ չհամաձայնվեց Կարինե Աճեմյանը։
Հետևեք մեզ Viber-ում
