Եվրահանձնաժողովը կտուգանի

Եվրահանձնաժողովը ծրագրում է դիտարկել ֆինանսական վճարի ներմուծման հնարավորությունն այն երկրների համար, որոնք կհրաժարվեն քվոտաներով տեղավորել ԵՄ ժամանած փախստականներին։ Տուգանքը կարող է կազմել մոտ 250 հազար եվրո անձի համար, սակայն կարող է տուգանքի չափը փոփոխվել։ Այս մասին հայտնում է Financial Times-ը՝ հղում ալով հանձնաժողովի ծրագրերին ծանոթ աղբյուրներին։ Չորեքշաբթի Եվրահանձնաժողովը մտադիր է ներկայացնել ԵՄ-ում ապաստանի տրամադրման «դուբլինյան» գործող համակարգի փոփոխման նոր առաջարկները։ Համաձայն նախնական ծրագրերի՝ բարեփոխման շրջանակում Եվրահանձնաժողովը կառաջարկի սահմանել վճար այն երկրների համար, ովքեր կհրաժարվեն ժամանակավորապես տեղակայել ապաստան փնտրողներին, սակայն այդ կետը շարունակում է մնալ վիճահարույց։ Եվրոպան Երկրորդ համաշխարհային պատերազմի ժամանակներից ի վեր խոշորագույն միգրացիոն ճգնաժամն է ապրում, որի պատճառն առաջին երթին Մերձավոր Արևելքի և Հյուսիսային Աֆրիկայի երկրների զինված հակամարտություններն ու տնտեսական խնդիրներն են։