Անկախ դատական իշխանությունը սկուտեղի վրա չեն մատուցում. Հրայր Թովմասյան

Անկախ դատական իշխանությունը սկուտեղի վրա չեն մատուցում։ Այսօր նման հայտարարությամբ է հանդես եկել ՀՀ ՍԴ նախագահ Հրայր Թովմասյանը՝ նշելով, որ առաջադրված մեղադրանքն իրեն չի կասեցնելու։

Նա նշել է, եթե որևէ մեկը մտածում է, որ ՍԴ դատավորներն, այսպես ասած, կաշառքի դիմաց կարող են թողնել-գնալ, ապա ՍԴ դատավորներին շատ վատ են ճանաչում, ՍԴ դատավորներից որևէ մեկն այդ քայլին չի գնալու. «Թող ոչ ոք չմտածի, որ անկախ դատական իշխանությունը սկուտեղի վրա բերելու են և մատուցեն իրենց։ Այսօր պայքար չէ աթոռի համար, միգուցե տարօրինակ է, բայց լրիվ հակառակն է։ Պայքար է, թե մենք վաղն ինչպիսի դատական իշխանություն ու պետություն ենք ունենալու»։