Խամենին դեմ է
TASS լրատվական գործակալության փոխանցմամբ՝ Իրանի գերագույն ղեկավար, այաթոլլահ Ալի Խամենեին հանդիպել է երկրի համալսարանների ու գիտական կենտրոնների պրոֆեսորա-դասախոսական կազմի ներկայացուցիչների հետ: Հանդիպման ժամանակ Խամենեին հայտարարել է, որ գիտությունում միայն անգլերենի գործածումը ձևավորում է նրա բացառիկությունը. «Գիտության լեզուն չպետք է լինի միայն անգլերենը: Եթե գիտությունը հենվելու է միայն անգլերենի վրա, ապա դա կնպաստի նրա անառողջ բացառիկությանը՝ ի վնաս այնպիսի լեզուների, ինչպիսիք են իսպաներենը ֆրանսերենը, գերմաներենը կամ արևելյան լեզուները»: Խամենեին ընդգծել է, որ մյուս երկրները միջոցներ են ձեռնարկում, որ կանխեն օտար լեզվի մուտքն իրենց գիտության ու մշակույթի ոլորտ. «Մենք չենք պնդում, թե հենց վաղվանից դադարեցնելու ենք անգլերեն սովորելը, սակայն մենք գիտենք, թե ինչպես է պետք տվյալ հարցը կարգավորել հետագայում»:
Հետևեք մեզ Viber-ում
