Ապազգայինների որջ է ձեւավորվում

Որ այս իշխանությունը ապազգայինների որջ է հիշեցնում, դրանում միջին վիճակագրական ՀՀ սթափ քաղաքացին տեսնում ու համոզվում է ամեն օր: Էլ Հուզանք ու զանգ, էլ սեռափոխության պրոպագանդա, էլ հանուն Ստամբուլյան կոնվենցիայի վավերացման պրոպագանդա, ԱԺ ամբիոնից տրանսգենդերի ելույթի կազմակերպում, ԼԳԲՏ համայնքի մոլի պաշտպանություն: Բայց չգիտես ինչու իշխանությունը երկվությամբ է տառապում, անում է մի բան, բայց խոսում ճիշտ հակառակի մասին: Թե ինչու, բացատրելու կարիք էլ չկա, նրանք եկել են հատուկ ծրագրով, բայց ծրագիրն այդ ուզում են իրականացնել դըմփ-դըմփ-հու-երի ներքո՝ առանց բացահայտելու իրական նպատակները:

Եւ, ահա, ԿԳՍՄ նախարար Արայիկ Հարությունյանը, ում շաբաթներ առաջ բզկտում էին իր ապազագային որոշումների համար, այսօր ԱԺ ամբիոնից հայտարարել է, թե իրենց իշխանությունն ամենաազգայինն է. որ երբևէ եղել է ՀՀ-ում և կրթական բարեփոխումներում էլ իբր ազգային բաղադրիչին շատ մեծ նշանակություն է դարձվում։ Ինչպես կասեր մեր օրերի դասականը՝ իյա, իրո՞ք, սա այն դեպքը չէ պարոն նախարար, որ շաքար ասելիս բերանը քաղցրանում է: Ձեր որոշումները ճիշտ հակառակի մասին են փաստում: Եւ ավելին, այս հայտարարությունը մեր սիրասուն նախարարն անում է «Կրթության ոլորտի բարեփոխումներն առաջիկա ռազմավարական մարտահրավերները» թեմայով լսումների ժամանակ, որին մասնակից անձանց գերակշիռ մասը ապազգային հիմնադրամի՝ Սորոսի հետեւորդներն են, ովքեր նույն քննարկման ժամանակ փայլեցին իրենց «առաջադեմ» տեսակետներով, առաջարկելով ազգային արժեքներ պրոպագանդող դասագիրքը նետել աղբաման: Խոսքը մասնավորապես պատգամավոր Սոնա Ղազարյանի մասին է,
«Վերջերս բախտ վիճակվեց բացել այբբենարանը, որը հեղինակել է Սարգսյան Վաչագանը։ Ես պարզապես ապշած եմ այդ այբբենարանի լուսանկարներից, որտեղ կինը մշտապես ներկայացված է՝ որպես տնային տնտեսուհի, իսկ տղամարդը՝ որպես հիմնական աշխատուժ։ Կներե՛ք, բայց ես կարծում եմ, որ այդ այբբենարանի տեղն աղբամանում է»,- ասաց Ղազարյանը։Պատգամավորը փոխանցեց զարմանքը, նա ապշած է՝
2013 թվականի հարցումների արդյունքում պարզվել է, որ Շիրակի մարզում ուսուցչուհին աղջիկներին հորդորում է համեստ լինել, իսկ տղաներին ասում է՝ մի՛ լացեք, տղամարդ եք։ «Այստեղ մենք գործ ունենք մի ուսուցչական կազմի հետ, որը կարծրատիպային մոտեցում ունի, որն էլ իր հերթին՝ խոչընդոտ է հանդիսանում իրապես հավասար հասարակություն կրթելու հարցում»,- ասաց պատգամավորը։ Այո, եկել է այն իշխանության ժամանակը, որտեղ հայ կինն այլեւս հեզ ու խոնարհ չպետք է լiնի, իսկ տղամարդն էլ՝ առնական, նրանք ընդունում են երրորդ սեռի, ասել է թե այլասերման գոյությունը ու եթե ճար ունենան կհրաժարվեն անգամ սեփական ծնողներից:

Ապազգային այս խունտան մեր ժամանակներում իրեն զգում է ձուկը ջրում եւ այդ քննարկման ժամանակ էլ ի դեմս գլխավոր սորոսական Լարիսա Մինասյանի սկանդալ են սարքել, երբ համացանցում է հայտնվել քննարկման դահլիճից իրենց լուսանկարները: Ոմանք բացահայտ ռազբիրիատ են սկսել ներկաների հետ՝ փորձելով պարզել արտահոսքի հեղինակին, բանը հասել է նրան, որ անվտանգության աշխատակիցները դուրս են հրավիրել «ռազբիրիատչիկ» խմբին, փաստն այն է, եթե մարդիկ չզգային իրենց տանտիրոջ կարգավիճակում, դժվար այս կարգի ինքնավստահություն դրսեւորեին:

Վերադառնալով կրթական թեմային, քննարկմանը նախարարը մի զավեշտալի հայտարարություն է արել, թե ինչպես երբեւէ, Հայաստանում կրթական ոլորտը ապակուսակցականացվել է: Մամուլում առնվազն տասնյակ հրապարակումներ կան այն մասին, որ մարզպետները արշավ են սկսել իրենց դպրոցների տնօրենների դեմ նրանց պաշտոնանկ անելու եւ յուրայինների նշանակելու նպատակով: Ավշարի դպրոցի սկանդալը վառ օրինակ: Բայց ինչպես ասում են՝ ում ինչ ենք ասում, այս իշխանությունը բացահայտ մանիպուլացիայով է զբաղված եւ դա վարակիչ հիվանդություն է դարձել բոլոր ոլորտների պատասխանատուների համար:

Անի Սահակյան