Դա նույնն է, որ ասեն՝ Մարիամ Փաշինյանի համար «Կալաշնիկով» ավտոմատներ են ձեռք բերվել. Նիկոլ Փաշինյան
Երեկվանից քննարկվում է այն հարցը, որ իբր իմ դստեր՝ Մարիամի համար ձեռք է բերվել 2019 թվականի արտադրության ավտոմեքենա: Այս մասին Facebook-ի իր էջում ուղիղ եթերում նշեց ՀՀ վարչապետ Նիկոլ Փաշինյանը:
«Պետք է խոստովանել, որ երեկվանից պետական կառավարման մարմինները չեն կարողանում բացատրություն տալ, թե ինչ է տեղի ունեցել եւ պատասխան տալ այն բոլոր հարցերին, որոնք կարող են հուզել հանրությանը:
Նախ, ՀՀ վարչապետը եւ նրա ընտանիքի անդամները. «ՀՀ հատռուկ պետական պահպանության ենթակա անձանց ապահովման մասին» օրենքի համաձայն պետական պահպանության ենթակա անձինք են: Օրենքը հստակ ասում է, որ վարչապետը ընդհանրապես չի կարող հրաժարվել պետական պահպանությունից, նաեւ չեն կարող դրանից հրաժարվել վարչապետի ընտանիքի անդամները: Այնտեղ դրույթ կա, որ վարչապետի ընտանիքի անդամները կարող են ժամանակավորապես հրաժարվել պետական պահպանությունից, բայց ընդհանուր առմամբ, օրենքը հստակ ասում է, որ վարչապետն ու նրա ընտանիքի անդամները չեն կարող հրաժարվել դրանից»,-ասաց Փաշինյանը:
Հետևեք մեզ Viber-ում
