Սոս Սարգսյանի անվան թատրոնից խոշոր չափի գողություն կատարողները կալանավորվեցին. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Երեկ՝ մայիսի 1-ին, Հայաստանի քննչական կոմիտեի Երևանի քննչական վարչության Կենտրոն և Նորք Մարաշ վարչական շրջանների քննչական բաժնի հատկապես կարևոր գործերով ավագ քննիչ Գառնիկ Սիմոնյանը միջնորդություն է ներկայացրել Երևանի Կենտրոն և Նորք Մարաշ վարչական շրջանների ընդհանուր իրավասության դատարան, որպեսզի դատարանը որպես խափանման միջոց երկամսյա կալանքի որոշում կայացնի 21-ամյա Գոռ Մնացականյանի, 22-ամյա Հայկ Սմբատյանի և 21-ամյա Բաբկեն Շահբազյանի նկատմամբ: Ինչպես հայտնում է ֆոտոլրագրող Գագիկ Շամշյանը, դատավոր Մնացական Մարտիրոսյանը դռնփակ դատական նիստն անցկացնելուց հետո բավարարեց ՀԿԳ ավագ քննիչի միջնորդութունը և Գ. Մնացականյանը, Հ. Սմբատյանը և Բ. Շահբազյանը վերցվեցին երկամսյա կայանքի և տեղափոխվեցին Նուբարաշենի բանտ: Ինչպես ավելի վաղ դեպքի վայրից հայտնել էր ֆոտոլրագրողը, ոստիկանության Կենտոնական բաժնի քրեական հետախուզության աշխատակիցները Երևանի Սոս Սարգսյանի անվան պետական համազգային թատրոն ձեռնաշղթայված վիճակում բերել էին մի երիտասարդի: Հայաստանի քննչական կոմիտեի Երևանի քննչական վարչության Կենտրոն և Նորք Մարաշ վարչական շրջանների քննչական բաժնի ՀԿԳ ավագ քննիչ Գառնիկ Սիմոնյանը քննչական փորձարարություն էր կատարել: Կենտրոնականի ոստիկանները օրերի ընթացքում բացահայտել էին թատրոնից կատարված առանձնակի խոշոր չափի գողությունը և այդ պահին կասկածյալ, Շենգավիթ վարչական շրջանի բնակիչ, 21-ամյա Գոռ Մնացականյանը մանրամասն ներկայացրել էր, թե որտեղ և ինչ պայմաններում էր իր 2 ընկերների հետ կատարել հանցագործությունը: Գ. Շամշյանը հայտնել էր, որ իր տեղեկություններով՝ ոստիկանները հայտնաբերել էին նաև գողոնի մի մասը, ինչպես նաև Գ. Մնացականյանի հանցակից 2 ընկերներին, ովքեր նույն թատրոնի նախկին ուսանող, 22-ամյա Հայկ Սմբատյանը և 21-ամյա Բաբկեն Շահբազյանն են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները և տեսանյութը` Գագիկ Շամշյանի