Շատ մի ատի, սիրել կա

 Ազգային ժողովը հաստատել է 4 վարկային համաձայնագրեր, որով ՀՀ արտաքին պարտքն ավելացել է լրացուցիչ 152 մլն դոլարով: 

Պայմանագրերից մեկը Հայաստանի Հանրապետության և Վերակառուցման և զարգացման միջազգային բանկի միջև կնքված հարկաբյուջետային, տնտեսական և պետական հատվածի կառավարման զարգացման քաղաքականության վարկային համաձայնագիրն է:  
Երկրորդը ՀՀ և Ասիական զարգացման բանկի միջև «Մարդկային ներուժի զարգացման ընդլայնման ծրագիր» վարկային համաձայնագիրն է, երրորդը` Հայաստանի Հանրապետության և Վերականգնման վարկերի բանկի միջև «Քաղաքականության վրա հիմնված վարկ-Շրջակա միջավայրի պահպանություն - վարկային համաձայնագիրը: Իսկ չորրոդը Հայաստանի Հանրապետության և Ասիական զարգացման բանկի միջև «Հանրային արդյունավետության եւ ֆինանսական շուկաների երկրորդ ծրագիր» վարկային համաձայնագիրն է: Նախագծերին ԱԺ «Բարգավաճ Հայաստան» խմբակցությունը դեմ է քվեարկել, իսկ ԼՀԿ-ն` ձեռնպահ: Կողմ է քվեարկել միայն «Իմ քայլը» խմբակցությունը:
Վարկային միջոցները նախատեսված են բյուջեի պակասուրդը փակելու համար: Բյուջեի ճեղքվածքն ուղիղ 152 մլն դոլար է եղել»
Ինչպես ասում են` շատ մի' ատի, սիրել կա: Հայտնի է, որ վարչապետ Նիկոլ Փաշինյանը ընդդիմադիր գործունեության ողջ շրջանում սուր քննադատության էր եթարկում նախկին իշխանությունների կողմից արտասահմանյան վարկեր վերցնելու քաղաքականությունը: Փաշինյանն այն ժամանակ պնդում էր, թե վարկերը փոշիացվում են: Ավելին, նա համոզված էր, որ ՀՀ պետական բյուջեի առկա միջոցները շատ անարդյունավետ են օգտագործվում և միանգամայն հնարավոր է, առանց արտաքին պարտքի ավելացման, ապրել և սերունդների վզին նոր պատրքեր չդնել: Հիմա փաստորեն ինքը` Փաշինանը, մեծագույն սիրով կատարում է նույն արատավոր քայլերը, ինչ ժամանակին նախկիններին էին անում: Եվ սա այն դեպքում, երբ հոկտեմբեր ամսվա տվյալներով՝ Հայաստանն ունի 58 միլիարդ 642 միլիոն դրամի, իսկ դեկտեմբերի տվյալներով՝ 9 միլիարդի հավելում պետական գանձարանում:

 Հայկ  Դավթյան