Դամասկոսն օգտագործում է հրադադարը

Սիրիական ընդդիմադիր Բանակցային բարձրագույն կոմիտեի (ԲԲԿ) պատվիրակության ղեկավար Ասադ ազ Զոուբին համարում է, որ Սիրիայի իշխանություններն օգտագործում են Դամասկոսի և Լաթաքիայի արվարձաններում «լռության ռեժիմը»՝ զորքերը Հալեպին մոտեցնելու համար, հայտնում է RIA Novosti-ն: «Լաթաքիայում և Արևելյան Գուտայում հրադադարը հարկավոր է միայն այն բանի համար, որ կառավարությունը կարողանա զորքերը տեղափոխել Հալեպի մոտ»,- հայտարարել է ԲԲԿ ներկայացուցիչը Sky News Arabia հեռուստաալիքին: Երկուշաբթի օրվանից բնակելի թաղամասերը, ներառյալ Հալեպ քաղաքի կենտրոնը, ահաբեկիչների կողմից ենթարկվել են զանգվածային ականանետային և հրթիռային գնդակոծության: