«Ոչ թե Ծառուկյանը չի տիրապետում ինֆորմացիային, այլ Մարությանը». Գագիկ Ծառուկյանը փաստեր է հրապարակում
Անդրադառնալով քաղաքապետի հայտարարությանը, այսօր լրագրողների հետ զրույցում ԲՀԿ առաջնորդ Գագիկ Ծառուկյանը նշեց, որ այն, ինչ ինքն ասել է, ճշմարտություն է՝ ներկայացրել է իրականությունը:
«Ուզում եմ ասել, որ քաղաքապետը պատկերացնի՝ քաղաքապետրանի շենքը թատրոնի շենք չէ, ավելի լավ է՝ թող հիշի քարոզարշավի ժամանակ երևանցիներին տված իր խոստումները: Ուզում եմ ևս մեկ անգամ հիշեցնել, որ Ծառուկյանն ամեն ինչին տիրապետում է, ինչ խոսում է՝ իրականություն է»,- նշեց Գագիկ Ծառուկյանը և ներկայացրեց այն փաստաթուղթը, որում առկա է Երևանի քաղաքապետի ստորագրությունը՝ հյուրանոցի նախագծման թույլտվության վերաբերյալ:
«Այս թուղթը կարող եք ցույց տալ Մարությանին, ոչ թե Ծառուկյանը, այլ Մարությանը չի տիրապետում ինֆորմացիային: Թող ինքը հեռուստացույց միացնի ու իր խոստումները երևանցիներին տեսնի, որ «դոշ» ծեծելով ասում էր, այսօր երկորդ տարին է լրանում, թող իր խոսոտումները կատարի»,- հավելեց Գագիկ Ծառուկյանը:
Հետևեք մեզ Viber-ում
