Փաշինյանը ունի հոգեկան խնդիրներ, թե՞ հանրությանը ապակողմնորոշում է․ Մարինե խաչատրյան .video

Հայաստանի քաղաքացիները պետք է իմանան՝ ով է մեր երկրի ղեկավարը: Որպես բժիշկ՝ ես ասում եմ, որ Նիկոլ Փաշինյանը հոգեկան մի շարք խնդիրներ, որոնցից մեկն էլ ստելու «մանիան է», Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է բժիշկ, հասարակական-քաղաքական գործիչ Մարինա Խաչատրյանը:

Հոգեբան Սամվել Խուդոյանն էլ կարծում է, որ Նիկոլ Փաշինյանի որոշ հայտարարություններ, որոնք անգամ ստեր են, պարզապես դիվիդենտներ շահելու համար են արվում և ամենևին էլ հոգեկան շեղումներ չեն:
Քաղաքագետ Աղասի Ենոքյանի դիտարկմամբ՝ այն շեշտադրումները, որոնք անում է Մարինա Խաչատրյանը, Նիկոլ Փաշինյանի օգտին են. «Երբ Նիկոլ Փաշինյանը տեսնի, որ հայտնվում է ճգնաժամի մեջ ու որոշի խաղից դուրս գալ, կպատճառաբանի, որ հիվանդ է և կմեկնի որևէ տեղ բուժվելու»:

Խոսելով Նիկոլ Փաշինյանի վերջին հայտարարություններից՝ մասնավորապես՝ Հիսուսի հետ համեմատություններից և այն կոչից, ըստ որի՝ պաշտոնյաները պետք է ձերբազատվեն բդեշխի բարդույթից և առաջնորդվեն Հիսուսի «բարդույթով», հոգեբան Սամվել Խուդոյանն ասել է, որ Նիկոլ Փաշինյանն ունի բնավորության շեշտվածություն, իմպուլսիվություն և հաճախ անում է հայտարարություններ և չի մտածում՝ հանրությունը ոնց կընդունի դրանք։

Աղասի Ենոքյանի կարծիքով էլ՝ Նիկոլ Փաշինյանի այն հայտարարությունները, որ պետք է կոռուպցիոներներին ծեփել ասֆալտին, նպատակ ունեն վախի մթնոլորտ ստեղծել:

Մարինա Խաչատրյանն էլ չի ընդունում, որ երկրի ղեկավարը կարող է նման տոնայնությամբ ու կոչերով հանդես գալ:

Անդրադառնալով Համահայկական մարաթոնի ընթացքում հավաքված գումարի չափին (9,5 մլն. Դոլար – խմբ.) և հարցին՝ ինչո՞ւ այս տարի այդքան քիչ գումար հավաքվեց, Աղասի Ենոքյանն ասել է, որ այստեղ իմիջի խնդիր կա: Ըստ նրա՝ «Համահայկական հիմնադրամի» իմիջը բավականին ընկավ, երբ հիմնադրամի ու դրա ղեկավարի շուրջ մեծ աղմուկ բարձրացավ:

Մարինա Խաչատրյանի խոսքով՝ իրականում այդքան գումար չի հավաքվել և շատ կարևոր է, որպեսզի անպայման հրապարակվեն բոլոր նվիրատուների անունները:

Սամվել Խուդոյանն էլ կարծում է, որ յուրաքանչյուր երկրում հեղափոխությունից հետո վստահության լուրջ խնդիր է լինում, որը նաև այս մարաթոնի արդյունքում հավաքված գումարի տեսքով արտահայտվեց: