Սերժ Սարգսյանը շատ վատ ընկեր է եղել, երբ Ղարաբաղից եկավ բոլոր իր հին ընկերներին մոռացավ, նույնիսկ նրան մոռացավ, ումից ստացել էր իշխանությունը

Լրագրողների հետ զրույցում գործարար Խաչատուր Սուքիասյանը ի պատասխան լրագրողների հարցերին, նշեց, որ  Սերժ Սարգսյանը շատ վատ ղեկավար է եղել, նա ամեն ինչ արել է իր և իր փեսայի համար:

«Սերժ Սարգսյանն էլ է դրական գործել, որովհետև ունեցել ենք սահմանադրություն, ինչ-որ սահմաններ պահել է, բայց Սերժ Սարգսյանը շատ վատ ղեկավար է եղել, նա ամեն ինչ արել է իր և իր փեսայի համար։ Սերժ Սարգսյանին ես շատ լավ ճանաչում եմ, իր հետ շատ լավ զրույց եմ ունեցել: Սերժ Սարգսյանը շատ վատ ղեկավար է եղել, շատ վատ ընկեր, ասեմ ինչու՝ երբ երկիրը կարուցվում էր, ինքը երբ Ղարաբաղից եկավ բոլոր իր հին ընկերներին մոռացավ, նույնիսկ նրան մոռացավ, ումից ստացել էր իշխանությունը»,- ասաց նա: