Նիկոլ Փաշինյանի հեղափոխության անժամանակ պարտությունը

Հայաստան համահայկական հիմնադրամի ստեղծումից ի վեր ամենաշատ դրամահավաքը՝ շուրջ 35 մլն դրամ, հանգանակվել է՝ ուշադրություն 2008 թվականին՝ Մարտի մեկի իրադարձություններից անմիջապես հետո: Հայաստան համահայկական հիմնադրամի ստեղծման օրից ի վեր, ամենացածր արդյունքներից մեկը գրանցվել է այս տարվա հեռուստամարաթոնի ժամանակ՝ հավաքվել ընդամենը 9 մլն 850 հազար դոլար, որը շատ քիչ է՝ հայ ժողովրդի հետհեղափոխական ոգորությունն ու Նիկոլ Փաշինյանի վարկանիշի նկատմամբ բարձր վստահություն արտահայտելու տեսանկյունից: Հեռուստամարաթոնը ցույց տվեց Նիկոլ Փաշինյանի հեափոխության անժամանակ պարտությունը: Իրավիճակը չփրկվեց անգամ Փաշինյանի հայտարարած տաս հազար դրամանոց մարտահրավերների շնորհիվ: Նկատենք, որ այստեղ Փաշինյանը, մարտահրավեր նետելով Սերժ Թանկյանին,  տակտիկական նուրբ և հաշվենկատ քայլ կատարեց: Սերժ Թանկյանը ապրիլյան հեղափոխության ժամանակ ակտիվ դերակատարում էր ստանձնել, հայտարարեց, որ սատարում է հեղափոխությանը, անգամ արտերկրից ժամանեց և ելույթ ունեցավ Հանրապետության հրապարակում: Այսօր արդեն եկել է տնտեսական հեղափոխության, ներդրումների և զարգացման ժամանակը, որը ապրիլյան հեղափոխության տրամաբանական շարուակությունն է: Հեղափոխության տնտեսական փուլի ձախողումը նշանակում է հեղափոխության քաղաքական և արժեքային նպատակների պարտություն:
Լինելով հեղափոխության ակտիվ մասնակից՝ Սերժ Թանկյանը պետք է որ այս գիտակցումը ունենար՝ առանց Նիկոլ Փաշինյանի մարտահրավերի: Առնվազն անլուրջ է, որ Սերժ Թանկյանը ընդամենը քսաներկու դոլարով միացավ մարտահրավերին:  Դա ավելի քիչ է, քան Թանկյանի համերգի կես տոսմսի գինը: Թանկյանը կարող էր գոնե մեկ տոմսի մարտահրվեր ընդունել և օրինակ ամիսը մեկ անգամ անվճար տոմոս նվիրել Հայաստանին՝ դրա դոլարային արտահայտությամբ:
Հայաստան համահայկական հիմնադրամի նվիրատուների մեջ առանձնակի ակտիվությամբ աչքի չընկան նաև հեղափոխությունը առաջինը ողջունած Կարեն և Միքայել Վարդանյանները, որոնց բիզնեսներն անընդհատ ընդլայնվում ու բարգավաճում են: Փաստորեն հեղափոխության նվիրյալները միայն բառերով են սիրում ու հավատում հեղափոխությանը: Երբ բանը հասնում է ձեռքը գրպանը տանելուն՝ նրանք կամ չկան կամ  աններելի համեստ են: Ըստ նախնական դիտարկումների՝ այս տարի ավելի ակտիվ են եղել Հայաստանի շարքային քաղաքացիները: Սփյուռքը սպասվածից պասիվ է եղել, ինչը նշանակում է երկու բան՝
ա. Սփյուռքն այլևս չի վստահում Փաշինյանին և նրա թիմին
բ. Մարաթոնից առաջ անհրաժեշտ նախապատրաստական աշխատանք չի տարվել:

Հայկ Դավթյան