«Փրկության ուղին տանում է դեպի Եվրոպական ընտանիք»
ԱԻՄ կուսակցության ղեկավար Պարույր Հայրիկյանը, կինոռեժիսոր Տիգրան Խզմալյանը եւ քաղաքացիական հասարակության մի խումբ ներկայացուցիչներ այսօր Արամ Խաչատրյանի արձանի մոտ ռուսական իմպերիալիզմի դեմ կրկին հավաք էին կազմակերպել՝ «Ոչ ռուսական իմպերլիալիզմին» կարգախոսով։ Ելույթ ունեցողները կոչ էին անում հասարակությանը չուշանալա քաղաքական փոփոխություններից եւ բռնել եվրոպական ընտանիքի ճանապարհը։ «Պետությունում իրավիճակը շատ արագ փոխվում է եւ մենք համարում ենք, որ հասարակությունը չպետք է ուշանա քաղաքական փոփոխություններից։ Համարում ենք, որ պետք է ստեղծվի քաղաքական, քաղաքացիական, հասարակական կազմակերպություների, անհատների ու շատ ոլորտների ներկայացուցիչներից բեւեռ, որոնք համարում են, որ ազգի ու պետականության փրկությունը այսօր գտնվում է Հայաստանը դեպի Եվրոպական ընտանիք ուղղելու մեջ, դուրս գալ ռուս-թուրքական դաշինքներից եւ ապագաղութացնել Հայաստանը»,-ասաց Տիգրան Խզմալյանը։
Հետևեք մեզ Viber-ում
