Ինտրիգը խորանում է․Վանեցյանից հաշիվ են պահանջում

ԱԱԾ նախկին տնօրեն Արթուր Վանեցյանի՝ քաղաքականություն հնարավոր մուտքը եւ հայտարարությունները քաղաքական դաշտում միայն իշխանությանն է անհանգստացնում, այլեւ ընդդիմադիր։ Այսօր խորհրդարանում Վանեցյանին իշխանական ֆրակցիայի ղեկավար Լիլիթ Մակունցից եռանդուն քննադատում էր Լուսավոր Հայաստան կուսակցության նախագահ Էդմոն Մարուքյանը։ Իր վերջին հարցազրույցում Վանեցյանը խոսել էր նաեւ «Սորոսի» հիմնադրամի վտանգավորության մասին։

Իշխող խմբակցության ղեկավարը հիշեցնում է, որ տարիուկես է Վանեցյանը ԱԱԾ տնօրեն է եղել, ուստի բացառեց, որ վտանգ ներկայացնող բացահայտման դեպքում Վանեցյանն ու ԱԱԾ–ն անհրաժեշտ միջոցներ չձեռնարկեին։
«Ես վստահ եմ, որ եթե պարոն Վանեցյանը որևէ կերպ ազգային անվտանգությանը վտանգ ներկայացնող կազմակերպությանն առնչվեր, անմիջապես կձեռնարկեր բոլոր անհրաժեշտ քայլերը։ Եթե նման միջոցառումների չի դիմել, ուրեմն պետք է վստահ լինենք, որ նման վտանգ չի տեսել։ Ընդ որում, խոսում ենք անձի մասին, բայց ինստիտուտներն անձերով պայմանավորված չեն։ Պարոն Վանեցյանի այդ դիրքորոշումը, վստահ եմ, հիմնված է եղել այն զեկույցների, վերլուծությունների վրա, որ նրան ներկայացվել են»,– ասաց Մակունցը։Էդմոն Մարուքյանն էլ դետալ-դետալ հիշեց Վանեցյանի կենսագրությունը եւ հայտարարեց․«Պարոն Վանեցյանը երկար տարիներ աշխատել է ԱԱԾ-ում, «Բաց հասարակության հիմնադրամները» ՀՀ-ում գործում է երկար տարիներ, այն ժամանակներից, երբ պարոն Վանեցյանը եղել է Էրեբունի համայնքում ԱԱԾ պետ, Կենտրոն համայնքում պետի տեղակալ, հետո՝ ԱԱԾ տնօրեն: Եթե նման մտահոգություններ կային, պետք է որոշակի գործողություն աներ, քրգործեր պետք է հարուցվեին: Հետեւաբար, այդ հայտարարությունները ես գնահատում եմ տոտալ քաղաքական, հնարավոր է՝ ինտրիգ ձեւավորելու եւ ապագայում խոսելու վերաբերյալ սպասելիք ձեւավորելու առումով: Ասում է՝ ժամանակը կգա՝ կխոսեմ, որ դուք սպասեք, թե նա երբ է խոսելու»:

Մարուքյանը մտահոգություն հայտնեց․«Հայաստանը հիմա մի երկիր է, որտեղ երեք առանցքային պաշտոններում չկան նշանակված ղեկավարներ՝ չկա ՊՎԾ պետ, ԱԱԾ պետ եւ ոստիկանապետ, ընդ որում, ՀՀ պատմության մեջ չի եղել, որ այսքան երկար ժամանակ չլինեն այդ նշանակումները»:Արդյոք իշխող Քաղաքացիական պայմանագիր կուսակցությունը դրսից ֆինանսավորվել է Մակունցը վստահեցրեց՝ ՔՊ-ն որեւէ երկրից գումար չի ստանում. «ՔՊ-ի գումարները ձեւավորվում են անդամավճարների տեսքով, երբ մենք հանրային դրամահավաքներ ենք կազմակերպում»:

Անի Սահակյան