Ակնհայտ դարձավ,որ Ռուսաստանը Հայաստանի դաշնակիցը չէ. Անուշ Սեդրակյան
Ապրիլյան պատերազմն ակնհայտ դարձրեց՝ Ռուսաստանը Հայաստանի դաշնակիցը չէ:Մեզ պետք չեն հովանավորներ, սակայն պետք են դաշնակիցներ,հայելի ակումբում լրագրողների հետ հանդիպման ժամանակ ասաց «Ազատ դեմոկրատներ» կուսակցության փոխնախագահ Անուշ Սեդրակյանը: «Մենք այս հարցում պետք է խտրական և խիստ վերաբերմունք ցուցաբերենք, մինչդեռ հայկական դիվանագիտական միտքը հրահանգավորվում է Մոսկվայի կողմից: Մեր դիվանագիտությունը պետք է ամեն ինչ անի, որ Արցախը դառնա բանակցային կողմ: Այնուհետ, պետք է վերադառնալ 1994 թվականի ֆիքսված վիճակին՝ հողային և զինադադարի առումներով»,- ասաց Անուշ Սեդրակյանը: «Վերջին օրերն ապացուցեցին, որ Արցախը նստած է յուրաքանչյուր հայի գենի և արյան մեջ:Այն իրական համախմբման ամենակարևոր օբյեկտն է ու երբ կոռուպցիոն ռիսկերը սկսեցին չափվել զինվորի կյանքով, մենք բոլորս գիտակցեցինք հարցի սրությունը։ Իրավիճակը սրվեց նաև, երբ իշխող կուսակցութան և երկրի ղեկավարի գործողությունների մեջ անհամապատասխանություն նկատվեց: Այնպիսի տպավորություն է, որ այս տիրույթները գործում են առանձին»,- ասաց Անուշ Սեդրակյանը:
Հետևեք մեզ Viber-ում
