Կեցցե այն Հայաստանը, որը մենք ենք բերելու. Նարեկ Մութաֆյանի նամակը բանտից (լուսանկար)

Ռոբերտ Քոչարյանի աջակից Նարեկ Մութաֆյանը, որն այժմ գտնվում է կալանքի տակ, հերթական նամակն է գրել բանտից:

Նամակի բովանդակությունն ամբողջությամբ ներկայացնում ենք ստորև.

Բարև իմ սիրելի գաղափարակից ընկերներին:

Նորից գրում եմ ձեզ, քանի որ խոստացել եմ, որ չեմ թողնի կարոտեք ինձ:

Հավատացած եղեք, որ իմ ամեն օրը լի է հպարտությամբ: Հպարտությամբ ձեր շնորհիվ, քանի որ տեսնում եմ , թե ինչպես են օր-օրի հազարավորներով խտանում ձեր շարքերը:

Մեր ճանապարհը դժվար է, հաղթանակը` մոտ: Գիտեմ, որ բարդ է ճնշումների ներքո պայքարել, բայց երբ պայքարդ հանուն գաղափարի է, իսկ գաղափարը՝ հանուն պետության և Հայրենիքի, դու դառնում ես ավելի վճռական եւ անկոտրում :

Վստահ եղեք, գաղափարակիցներ, վաղվա Հայաստանը մենք ենք բերելու:

Եվ ուրեմն` կեցցե այն Հայաստանը, որը մենք ենք բերելու:

Հիշեցնենք, որ Նարեկ Մութաֆյանը, դիմելով «Մարտի 1»-ի գործով դատավոր Աննա Դանիբեկյանին, հարցրել էր՝ Դանիբեկյանը կա՞ «վնգստացող դատավորների ցանկում», որն էլ նկարահանել էր Սարգիս Օհանջանյանը: Սարգիս Օհանջանյանի և Նարեկ Մութաֆյանի նկատմամբ առաջին ատյանի դատարանի վճռով խափանման միջոց ընտրվել էր կալանավորումը։