Բայդենն անսպասելի այցով մեկնել է Իրաք

ԱՄՆ փոխնախագահ Ջո Բայդենը հինգշաբթի չհայտարարված այցով ժամանել է Բաղդադ, որի իշխանություններն իսլամիստական խմբավորումների դեմ պայքարի պատճառով հայտնվել են խոր ճգնաժամում: Ինչպես տեղեկացնում է  Agence France Presse-ը, մեջբերելով Բայդենի գրասենյակի հայտարարությունը, փոխնախագահն Իրաք է ժամանել հանդիպելու երկրի ղեկավարության հետ` քննարկելու Իրաքի միասնության և «Իսլամական պետություն» խմբավորման դեմ պայքարի հարցերը:   Բայդենը կքննարկի նաև միջազգային հանրության աջակցության հարցն Իրաքի տնտեսության խթանման գործում և հետագա համագործակցության հնարավորությունը: