Լավրովը Բաքվի «զայրույթն» է բերել Երևան
Երևան Լավրովի առաջ Մոսկվան արձագանքեց վերջերս Ադրբեջանի ԱԳՆ-ի կողմից Ռուսաստանին ուղղված բողոքի նոտային: «Ինչ վերաբերում է պաշտոնական Բաքվի հայտարարությունների ընդհանուր տոնին, ապա այն չի համապատասխանում ռուս-ադրբեջանական հարաբերությունների մակարդակին և որակին», նշվել էր Ռուսաստանի ԱԳՆ մեկնաբանության մեջ:
Հիշեցնենք, որ ավելի վաղ Ադրբեջանը բողոքի նոտա էր հղել Ռուսաստանին՝ կապված Արցախի Հանրապետության արտգործնախարար Մասիս Մայիլյանի և կրթության նախարար Լեռնիկ Հովհաննիսյանի՝ Ռուսաստան իրականացրած այցի հետ: «Նշված անձանց այցը, եթե անգամ եղել է, ապա կրել է բացառապես մասնավոր բնույթ:
Այդ առումով այն չի հակասում ո՛չ ռուսական օրենսդրությանը, ո՛չ առկա միջազգային պայմանավորվածություններին, ո՛չ Լեռնային Ղարաբաղի կարգավորման գործում Ռուսաստանի միջնորդական առաքելությանը: Ոչ մի հանդիպում Ռուսաստանի Դաշնության պաշտոնատար անձանց հետ տեղի չի ունեցել»,- ասվում էր ՌԴ ԱԳՆ-ի մեկնաբանության մեջ:
Իր հերթին, Ռուսաստանի ԱԳՆ-ն Լավրովի այցի նախօրեին հայտարարություն է տարածել, որ արձանագրել է, որ Ղարաբաղյան խնդրի կարգավորումը գտնվում է Ռուսաստանի նախագահի ուշադրության կենտրոնում:
Ռուսաստանը շարունակում է ակտիվ դերակատարությունը ղարաբաղյան խնդրի կարգավորման գործընթացում, այս հարցում կողմերին ցուցաբերվող աջակցությունը Ռուսաստանի արտաքին քաղաքականության գերակայություններից է, նշել է այդ երկրի Արտգործնախարարությունը, հավելելով՝ կարգավորման գործընթացը գտնվում է նախագահի ուշադրության կենտրոնում:
«Մեր խորին համոզմամբ, հակամարտությունը պետք է կարգավորվի միայն քաղաքա-դիվանագիտական և կողմերի միջև երկխոսության ճանապարհով: Կարծում ենք, որ քաղաքական կամքի առկայության դեպքում դիվանագիտական ջանքերը վաղ թե ուշ թույլ կտան առաջընթաց արձանագրել և հասնել փոխզիջման», - ասվում է Ռուսաստանի արտգործնախարարության հայտարարության մեջ: Նաև ընդգծվում է, որ կշարունակի ակտիվորեն աջակցել կողմերին ԵԱՀԿ Մինսկի խմբում, ինչպես նաև ազգամիջյան հարթակում՝ հաշվի առնելով սերտ կապերը թե՛ Հայաստանի, թե՛ Ադրբեջանի հետ:
Լավրովի այցն այս անգամ առավել քան երբևէ Ադրբեջանի ուշադրության կիզակետում է լինելու: Բաքուն վերջին ամիսներին Հայաստանի ուղղությամբ վարում է կոշտ քաղաքականությունը՝ դիվանագիտական փոխհրաձգության առումով: Նույնիսկ Ալիևը առիթը բաց չթողեց երկու անգամ Պուտինի ներկայությամբ Հայաստանին քննադատելու համար:
Հիմա կարևոր է, թե Լավրովը Երևանում Հայաստանի իշխանություններից հետո բանակցությունների հետո ինչ մեսիջներ կհղի թե՛ Երևանին, թե՛ Բաքվին:
Մետաքսյա Շալուն
Հետևեք մեզ Viber-ում
