Փաշինյանի վախերը. ինչու է ժողովրդի վարչապետն այսքան նեղն ընկել
Նիկոլ Փաշինյանը վստահության լուրջ դեֆիցիտ ունի, դա ընդունում է նաեւ հենց ինքը՝ վարչապետը եւ դիմում պարզունակ քարոզչական տրյուկների: Ահավասիկ այդ շարքից է նրա հետեւյալ գրառումը.
<<Այսօր մեր Արցախ գալիս մի շատ ջերմ միջադեպ տեղի ունեցավ ճանապարհին:
Հաթերք գյուղի մերձակայքում ճամփեզրին դեռ հեռվից մի մարդ նկատեցի՝ որը ձեռքին ինչ-որ բան պահած ակնհայտ սպասում էր իմ մեքենայի մոտենալուն:Չթաքցնեմ՝ մի պահ նույնիսկ լարվեցի. Արփին ինձ հետ էր մեքենայում ու նստած էր հենց այն կողմում, որ ճամփեզրի մարդն էր կանգնած: Ու երբ մոտեցանք՝ անսպասելի բան տեղի ունեցավ. մարդը ջուր լցրեց իմ ավտոմեքենայի ետեւից...
Ցավդ տանեմ, եղբայր. ես ո՞նց կարող եմ քեզ հուսախաբ անել: Մենք ո՞նց կարող ենք իրար հուսախաբ անել: Տարբերակ չկա>>: Ակնհայտ է, որ սա պարզապես քարոզչական հնարք է: Ընդունենք, որ եղել է նման բան, թեպետ այդուհանդերձ հարց է ծագում ինչու վարչապետը <<իրեղեն ապացույցներ>> չի ներկայացրել այդ միջադեպից: Այդուհանդերձ հարց է առաջանում՝ ոնց կարող էր շարքային քաղաքացին իմանալ վարչապետի երթուղին՝ ժամով եւ վայրով՝ երբ է անցնելու վարչապետի շարասյունը, եւ այն էլ՝ պատերազմող երկրի տարածքում: Իհարկե, եթե այդ շարքային քաղաքացին Արցախի ԱԱԾ-ի աշխատակիցը չի եղել:
Իսկ այս <<ջերմ>> պատմության ամենատարակուսելի էպիզոդը վարչապետի լարվելն է, ինչու է նա լարվել, ինչից է վախենում մեր ժողովրդի վարչապետը, ով վստահ է ու ամեն օրուգիշեր հայտարարում է այդ մասին, որ ժողովուրդն իր հետ է, ժողովուրդն է իրեն պատվիրակել սա անել, նա անել, սրան փոռել ասֆալտին, նրան ծեփել պատերին: Այդ ինչից է լարվել՝ տեսնելով ընդամենը քաղաքացու, որի ձեռքին ինչ-որ բան է նշմարել: Ի վերջո, հասկանալի է՝ եթե որեւէ մեկը ցանկանար վնասել վարչապետին հաստատ դա չէր անելու օրը ցերեկով, փողոցի մեջտեղում: Ուստի Նիկոլ Փաշինյանի վախերը խիստ խոսուն են:
Հ,Գ-Վերջին շրջանում Հայաստանի վարչապետի տեղաշարժին հետևելիս որևէ մեկը չի կարող հավատալ պարոն Փաշինյանի գրառմանը. Քանզի նրա թիկնազորն ուղղակի "հօդս է ցնդեցնում" նրա ճանապարհին հանդիպող բոլոր մեքենաները և մարդկանց: Իսկ վարչապետին մոտենալու մասին խոսք լինել չի կարող:
Անի Սահակյան
Հետևեք մեզ Viber-ում
