Գևորգ Կոստանյանը ցուցմունք կտա՞ Սերժ Սարգսյանի դեմ.մեկնաբանում է Կոստանյանը (video)
«Արմնյուզ» ՀԸ «Հայելու առաջ» հաղորդման հյուրը ՀՀ նախկին գլխավոր դատախազ Գևորգ Կոստանյանն է:Կոստանյանը խոսեց ներքաղաքական իրավական մի շարք գործընթացներից, մասնավորապես մարտի 1-ի գործից:
Նախաքնննությունը հիմքում է մեկ կամ երկու անձի ցուցմունքի վրա, և այստեղ Կոստանյանը խնդիր է տեսնում. «Ցուցմունքը ապացույցներից մեկն է: Համաշխարհային քրեական արդարադատության դինամիկան գնացել է նրան, որ միայն ցուցմունքի վրա` եթե անգամ 10 ցուցմունք լինի, քրեական պատասխանատվության չեն ենթարկում, որովհետև ցուցմունքը մեկ անձի սուբյեկտիվ ընկալումն է: Հետևաբար երբ այդ անձը որոշեց ցուցմունքը փոխել` հիշեց ինչ-որ նոր բան, կամ ուղղակի փոխեց, ամբողջ գործը քանդվում է: Երբ առանձին մեղադրանք առաջադրելիս հիմնվում ես մեկ անձի կամ մի քանի անձի ցուցմունքների վրա, պետք է նկատի ունենաս` հենց այդ ցուցմունքները փոխվեցին, ամբողջ գործի ճակատագիրը կարող է հակառակ ուղղությամբ գնալ: Մենք նաև բազմիցս ականատես ենք եղել, երբ մարդը փոխում է իր ցուցմունքը` ասելով` ես էսպես չեմ ասել, էնպես եմ ասել, կամ որ ասել եմ` այլ բան եմ նկատի ունեցել, կամ ինձ ստիպել են, համոզել են....»,- նշել է Գևորգ Կոստանյանը` ընդգծելով, որ չի կարելի քրեական արդարադատությունը կառուցել ցուցմունքի հիման վրա` առավել ևս, որ ցուցմունքները կարող են նաև սուտ լինել:
Հետևեք մեզ Viber-ում
