Մարտի 1-ի գործը ցույց է տալիս՝այս իշխանությունն անկարող է բացահայտել տասը զոհերի սպանության հանգամանքները.Գևորգ Կոստանյան (video)

14:07 - 7/նոյեմբերի/2019

«Արմնյուզ» հեռուստաընկերությամբ հեռարձակվող Անժելա Թովմասյանի հեղինակային «Հայելու առաջ» հաղորդման հյուրը ՀՀ նախկին գլխավոր դատախազ Գևորգ Կոստանյանն է:Կոստանյանն անդրադարձել է ՀՀ-ում ընթացող մի շարք իրավական գործընթացներին, մասնավորապես մարտի 1-ի գործին:

Նախկին գլխավոր դատախազի համոզմամբ` Մարտի 1-ի գործի շրջանակում քննվող բոլոր գործերը քննության առարկա են դառնալու Մարդու իրավունքների եվրոպական դատարանում. «Տեսնելով քննության ընթացքը, ապացույցները, դատավարական կանոնների և սկզբունքների պահպանումը` վստահեցնում եմ, որ եվրոպական դատարանում ունենալու ենք բազմաթիվ խախտման փաստի ճանաչումներ: Եվրոպական դատարանի հետ աշխատած ցանկացած անձ գիտի, որ ՄԻԵԴ-ի վճիռները նախադեպային են: Այսինքն` հիշելով թե ինչ նախադեպեր կան, կարելի է վստահաբար ասել, թե այս կամ այն գործով խախտում ճանաչվելու է, թե չի ճանաչվելու: Ես համոզված եմ, որ Մարտի 1-ի բոլոր գործերով անվերապահորեն ճանաչվելու են խախտումներ: Խախտման փաստի ճանաչումից հետո բյուջեից կտրվեն հատուցումներ, բայց հարցը դրանով չի ավարտվի: Խախտման փաստի արձանագրումը հիմք է հանդիսանում, որպեսզի քրեական գործերը երկրի ներսում վերաբացվեն»,- ասել է նախկին գլխավոր դատախազը:

Այսինքն` այս գործերն անընդհատ լինելու են շրջապտույտի մեջ` չհաշված երկրի հեղինակության կրած վնասը:

Մանրամասները՝ տեսանյութում.