Հաղորդում հանցագործության մասին

Վարչապետ Նիկոլ Փաշինյանը լայվով ցուցադրել է կառավարական թիվ մեկ առանձնատունն, ուր ապրում է իր ընտանիքի հետ:
Բայց այդ ցուցադրությունը ոչ այնքան փարատել է հանրային կասկածները, որքան նոր հարցեր առաջ բերել:
Շաբաթներ առաջ մամուլը գրեց, որ Փաշինյանը շքեղ վերանորոգում է առանձնատներից մեկը, մասնավորապես, այն, որտեղ բնակվում էր երրորդ նախագահն իր ընտանիքի հետ: Բանն այն է, որ Փաշինյանին եւ իր կնոջը դուր չի եկել առանձնատունը, որտեղ իրենք ապրում են ու որոշել են տեղափոխվել նախագահական ամառանոց՝ Սերժ Սսարգսյանի ապրած տուն: Բայց դա էլ դուր չի եկել Փաշինյանի ընտանիքին եւ որոշել են հիմնահատակ վերանորոգել, իսկ դա բյուջեի վրա մոտ 2 միլոին դոլար է նստել:
Ընդ որում՝ տեղեկություններ կան, որ Սամվել եւ Կարեն Կարապետյանները Սերժ Սարգսյանի վարչապետությունից առաջ ընտիր վերանորոգում են իրականացրել նրա առանձնատանը, բայց Փաշինյանը որոշել է, որ այնտեղ ապրելուց առաջ պետք է հիմնահատակ վերանորոգել:

Ուշագրավ է, որ մեր՝ հարկատուներից գրպանից արվողը ծախսերն արվել էին գաղտնի՝ կառավարության համապատասխան որոշմամբ: Ահա, լայվ ցուցադրությամբ Փաշինյանը փորձեց ցույց տալ, որ ինքը հանրությունից թաքցնելու բան չունի, փորձեց հերքել, որ 2 միլոինի փոխարեն տասն անգամ էժան է նստել, հիմնանորոգում չի եղել, դռները չեն փոխվել եւ այլն, եւ այլն: Սակայն դրան հավատացողները միմիայն հպարտ քաղաքացիներն են, իսկ ոչ այնքան հպարտների մոտ մնում են չփարատված կասկածները: Դրանց ցրելու մեկ տարբերակ գոյություն ունի՝ հրապարակել համապատասխան որոշումները, որպեսզի հանրությունն իր աչքով սեւով սպիտակի վրա տեսնի, ողջ ծախսերը:
Հարցի բարոյական կողմին անգամ չենք անդրադառնում, թե ինչպես կարող էր այս իշխանությունը, որը խոստանում էր, թե գաղտնի ոչինչ չի անելու, բաց է լինելու, որը խոստանում էր, թե իրենք մեկն են երեք միլիոնից, որ ոտքով գնալու են աշխատանքի, շրջելու առանց թիկնազորի ու շքեղ ավտոմեքենաների, այսօր ընկել է ճոխությունների ետեւից եւ իրեն չի զրկում եւ ոչ մի վայելքից, գաղտնի որոշմամբ առանձնատուն է վերանորոգում, նախարարների աշխատավարձ է կրկնօրինակում, միլիոնների հասնող պարգեւավճարներ է տալիս: Ստացվում է, որ հեղափոխականների ախորժակը չի զիջում, եթե չասենք հակառակը՝ գերազանցում է նախորդներին, միայն թե նրանք ուտում են թավիշով՝ առանց աղմուկի, ոչ բացահայտ, այն է՝ գաղտնի որոշումներով:
Ի դեպ,«AntiFake» ուսումնասիրությամբ Փաշինյանն օրենք է խախտել: «Կոնդի առանձնատների տնտեսություն» ՊՈԱԿ–ում Նիկոլ Փաշինյանին որպես վարչապետ հատկացված է 3–րդ մասնաշենքը։ Մինչդեռ նա սեփական որոշմամբ տեղափոխվել է 6–րդ մասնաշենք, ինչը նույնն է, որ հիմա որևէ մեկը որոշի մտնել որևէ բնակարան ու այնտեղ ապրել։
Սա ոչ այլ ինչ է, քան հաղորդում հանցագործության՝ բնակարանագողության մասին։

Անի Սահակյան