Թոշակների միջին բարձրացումը կկազմի 3500 դրամ. ահա այսպիսի սոցիալական արդարություն

ՀՀ 2020 թվականի պետական բյուջեի նախագծով ՀՀ աշխատանքի և սոցիալական հարցերի նախարարության ոլորտում իրականացվող ծրագրերի գծով նախատեսվել 492.5 մլդ դրամ, որը գերազանցում է 2019 թվականի ցուցանիշը 10.8%-ով կամ 47.9 մլդ դրամով:
Նախատեսվող աճի հիմնական ուղղություններից է կենսաթոշակների բարձրացումը: ՀՀ 2020 թվականի պետական բյուջեի նախագծով նախատեսված հատկացումների շրջանակում նախատեսվում է 2020 թվականի հունվարի 1-ից բարձրացնել աշխատանքային և զինվորական կենսաթոշակների, ինչպես նաև ծերության, հաշմանդամության, կերակրողին կորցնելու դեպքում նպաստների չափերը: Մասնավորապես, նախատեսվում է 2020 թվականի հունվարի 1-ից սահմանել`
• նվազագույն կենսաթոշակի չափը` 26500 դրամ (25500 դրամի փոխարեն),
• աշխատանքային և զինվորական կենսաթոշակի չափը հաշվարկելու համար հիմնական կենսաթոշակի չափը՝ 18000 դրամ (16000 դրամի փոխարեն),
• աշխատանքային ստաժի մեկ տարվա արժեքը՝ առաջին տասը տարվա համար՝ 950 դրամ (800 դրամի փոխարեն)
• ծերության, հաշմանդամության և կերակրողին կորցնելու դեպքում նպաստների չափերը` 26500 դրամ (25500 դրամի փոխարեն)
Նախատեսվում է, որ կբարձրանա շուրջ 33 646 զինկենսաթոշակառուների, 468 761 աշխատանքային կենսաթոշակառուների կենսաթոշակների չափերը:
Այս մասին իր ֆեյդբուքի էջում տեղեկացրել է աշխատանքի և սոցիալական հարցերի նախարար Զարույի Բաթոյանը:
Ընդհանուր առմամբ՝ կբարձրանա 502 000 մարդու թոշակ:«Մյուս ոլորտը, որ հուզում է քաղաքացիներին, նպաստի համակարգն է: Ըստ նախարար Բաթոյանի` այս ոլորտի բարեփոխմանն ուղղված աշխատանքային խումբ է ստեղծված վարչապետի մակարդակով, տարվա վերջին կունենանք բարեփոխված համակարգի նոր առաջարկ, որը կքննարկենք ԱԺ-ի հետ:
Ինչպես հայտնի է` թոշակները հաշվարկվում են հետևյալ տրամաբանությամբ` հիմնական կենսաթոշակին, որ մինչ այժմ 16 հազար էր, այժմ դառնում է 18 հազար դրամ, գումարցում է տարիների ստաժը հետևյալ գործակիցներով` առաջին 10 տարին հաշվարկվում է 800 դրամ, որն հունվարից դառնալու է 950 դրամ, 11-ից ավել յուրաքանչյուր տարվա աշխատանքային ստաժի համար` 500 դրամ:: Այսինքն բաևձրացումը լինելու է առաջին 10 տարվա և հիմնական կենսաթոշակի բարձրացման հաշվին, որը կկազմի 3500 դրամ: Միջինով կենսաթոշակառուների թոշակը կբարձրանա 3500 դրամով: Այսինքն` բարձրացումը լինելու է աննշան, և ի համեմատ բարձրաստիճան պաշտոնյաների 1,5 մլնանոց աշխատավարձի, նույնքան աննշան քայլ դեպի սոցիալական արդարություն:

Հայկ Դավթյան