Պետք է ճանաչել Լեռնային Ղարաբաղի անկախությունը. Ուրուգվայցի պատգամավոր
Ուրուգվայցի պատգամավոր Դանիել Ռադիոն իր երկրի իշխանություններին կոչ է արել ճանաչել Լեռնային Ղարաբաղի Հանրապետության անկախությունը: Նման կոչով ուրուգվայցին հանդես է եկել ապրիլի 25-ին` Մոնտեվիդեոյում Հայոց ցեղասպանության 101-րդ տարելիցի ոգեկոչման միջոցառման շրջանակներում: Դենիել Ռեդիոն Ղարաբաղի Հանրապետությունը ճանաչելու կոչ է արել Ուրուգվային` ասելով «կան որոշ հանգամանքներ, որոնք թույլ են տալիս մեր երկրին անել այս քայլը: Սա ուտոպիա չէ . ժամանակն է, որ Ուրուգվայը լրջորեն մտածի այս հնարավորության մասին, և հույս ունեմ, որ նա կգնա այդ ուղով»: «Կցանկանայի, որ հիսուն տարի անց մեր բոլորի թոռները հպարտությամբ իմանային այն մասին, որ Ուրուգվայը Լեռնային Ղարաբաղի Հանրապետությունը ճանաչած առաջին պետությունն է եղել»,- Ռադիոյի խոսքը մեջբերում է Prensa Armenia-ն: Միջոցառման ժամանակ Ուրուգվայի «Հայ դատի» հանձնախումբը կարևորել է պատգամավոր Դանիել Ռադիոյի ավանդը ոգեկոչման միջոցառումների կազմակերպման գործում:
Հետևեք մեզ Viber-ում
