«Դա վրեժ էր Սիրիայում Թուրքիայի ռազմական գործողության համար». Չավուշօղլուն` Ներկայացուցիչների պալատի կողմից Հայոց ցեղասպանության ճանաչման մասին բանաձևի ընդունման մասին

Թուրքիայի արտաքին գործերի նախարար Մևլյութ Չավուշօղլուն դատապարտել է ԱՄՆ Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունումը: Այս մասին հայտնում է Անադոլու գործակալությունը:

«Քաղաքական նպատակներով պատմական իրադարձությունների օգտագործման փորձերն անընդունելի են: Նման որոշումները ոչ մի նշանակություն չունեն Թուրքիայի իշխանությունների և ժողովրդի համար: «Խաղաղության ակունք» գործողությունը քանդել է մեծ խաղը: Ձախողված նախագծի հեղինակները փորձել են որպես վրեժ Անկարայի դեմ օգտագործել հին բանաձևերը: Նրանք, որոնց ծրագրերը խախտվել են, դիմում են հին բանաձևերին: Եթե կարծում են, որ այդ կերպ վրեժ են լուծելու, սխալվում են: Այս ամոթալի որոշումն այնպիսի մարդիկ են ընդունել, որոնք օգտագործում են պատմությունը քաղաքականության մեջ, և մեր կառավարության ու ժողովրդի համար այս որոշումը հավասար է զրոյի», – Թվիթերում գրել է Չավուշօղլուն