Նազարբաեւի ընտանիքի հետքերով.. ուզում են ցմահ իշխել

Մարիամ Փաշինյանը դեմ չէ ղեկավարել Հայաստանը։ «Առաջին լրատվականի» հետ զրույցում հարցին, թե կցանկանայիք լինել ՀՀ առաջին կին վարչապետը, վարչապետ Նիկոլ Փաշինյանի ավագ դուստր պատասխանել է. «Ինչու ոչ»։ Արդյոք հնարավոր է, որ նա հետագայում զբաղվի քաղաքականությամբ, Մարիամ Փաշինյանը անկաշկանդ խոսըովանել է․ «Միանշանակ, քաղաքականությունն ինձ միշտ է հետարքրքել»։
Նա նաեւ ասել է, որ իր համար տխուր է, որ մինչև հիմա Հայաստանը չի ունեցել կին ղեկավար՝ վարչապետ կամ նախագահ, չի ունեցել կին փոխվարչապետեր, չի ունեցել ԱԺ կին նախագահ․ «Կարծում եմ՝ կանայք պետք է արդեն ակտիվանան, հատկապես որ հիմիկվա իշխանությունները միանշանակ աջակցում են կանանց դերը միջազգային հարաբերություններում, ներքին թե արտաքին քաղաքականության մեջ»,- ասաց Մարիամ Փաշինյանը:
Ըստ նրա՝ Հայաստանին պակասում է կին վարչապետ, ԱԺ կին նախագահ։
Եթե մեկուկես տարի առաջ որեէ մեկ ասեր, թե ժողովրդի ծոցից ելած Նիկոլ Փաշինյանը իշխանության գալով հետապնդելու է այն նպատակները, որոնք Սերժ Սարգսյանը , այսինքն՝ իշխանությունը պահելու, այն հավերժացնելու նպատակով օգտվելու է ամենակոշտ գործիքաշարից, մենք նրան ցնորված կհամարեին: Ինչպես կարող է նա գնալ մի արժեհամակարգի հետեւից, որը մերժել է ու արդյունքում ստացել իր իշխանությունը: Սակայն կյանքը ցույց տվեց, որ մեր սպասումները որեւէ մասով չարդարացան: Ինչպես իր նախորդը, Փաշինյանն էլ լիարժեքորեն օգտվում է իշխանության ընձեռած վայելքներից՝ ճոխ վերանորոգում կառավարական ամառանոցում, թանկարժեք ավտոմքենա, թիկնազոր եւ այլն, եւ այլն: Մինչդեռ հեղափոխությունից առաջ հպարտ քաղաքացիներից շատերն ակնկալում էին, որ ավերակներ ժառանգած պետության ղեկավարը ոչ միայն չի գնա նույն ճանապարհով, այլ արժեհամակարգ կփոխի, որ հեղափոխական իշխանիկները ոտքով կգնան աշխատանքի, էկենոմ դասով՝ գործուղումների, առհասարակ վերջին մասով կհրաժարվեն բյուջեի հաշվին շրջագայելու արատավոր սովորություններից: Կյանքը ցույց տվեց, որ մենք սխալվեցինք: Ոչ միայն պետական միջոցներն են խնայողաբար ծախսվում, այլեւ Փաշինյանի իշխանության կրողների հայտարարություններից պարզ է դառնում, թե իրենք հավերժ են եւ ամեն խելքի փչած բան կարող են անել՝ չմտածելով , որ կյանքը բումերանգ է, հաջորդներն էլ իրենց հետ են նույնկերպ վարվելու: Իշխանությունը ցմահ պահելու մտադրությունները առավելապես ակնհայտ են հենց Փաշինյանի ընտանիքի անդամների հայտարարություններից : Կարող էին չանդրադառնալ նրա դստեր վերջին հայտարարությանը՝ համարելով, որ ինչպես ցանկացած դեռահաս, վարչապետի աղջիկն էլ երազանգներ ունենալու իրավունք ունի: Բայց կլիներ այդպես, եթե Մարիամ Փաշինյանը հոր վարչապետության առաջին օրից չմտներ քաղաքականություն ու տարբեր առիթներով քաղաքագիտական դասեր չտար: Նա մերթ ընդդիմության դաստիարակությունն է իր վրա վերցնում, մեկ մամուլի, մեկ ուրիշի ու պարզ է դառնում, որ այս ընտանիքը որոշել է Հայաստանում Նազարբաեւների գծի շարունակողը դառնալ: Թերեւս շուտ մոռացան Սերժ Սարգսյանի օրինակը, ով նույնպես համարում էր, որ ինքը հավերժ իշխելու է Հայաստանը:

Անի Սահակյան