Ինչ առաջարկով է Բալասանյանը դիմել Փաշինյանին

ՀՀ վարչապետ Նիկոլ Փաշինյանը «Արցախը Հայաստան է և վերջ» հայտարարությունով, երևի, ցանկացել է ասել, որ ես եմ ձեր ընդհանուր ղեկավարը կամ տերը, Ստեփանակերտում լրագրողների հետ հանդիպմանն ասաց Արցախի հերոս, Արցախի անվտանգության խորհրդի նախկին քարտուղար Վիտալի Բալասանյանը։

Բալասանյանի համոզմամբ` Նիկոլ Փաշինյանն Արցախն ու Հայաստանը տանում է կործանման՝ պնդելով, որ երբեք չի եղել որևէ փաստաթուղթ, որի մասին Արցախյան իշխանությունները չեն իմացել:

Իսկ Նիկոլ Փաշինյանը, ըստ Բալասանյանի, «ստել է», երբ հայտարարել է, որ Արցախյան իշխանություններին հանձնել է ղարաբաղյանի հարցի կարգավորմանն առնչվող փաստաթղթեր, որոնք թաքցրել են նրանցից:

Բալասանյանի խոսքով՝ ինքը մի քանի անգամ առաջարկություններով դիմել է Փաշինյանին:

Բալասանյանը նշեց, թե ժամանակ է տալիս, հորդորում է, խնդրում, որ ՀՀ քաղաքական վերնախավը համապատասխան որոշում կայացնի, Արցախի ղեկավարության հետ նստեն ու քննարկեն այն կետը, որտեղից պետք է նորից սկսկել բանակցությունները։