Իշխանության սին հույսերն ու Վենետիկի զգուշացումը
Իշխանությունն ու իր կամակատարները երկու օր է ցնծությամբ տեղեկացնում են, որ հաղթել են եւ Վենետիկում կարողացել իրագործել քաղաքական առեւտուր՝ Ստամբուլյան կոնվենցիայի վավերացում՝ «Հրայր Թովմասյանի դիմաց» բանաձեւով։
Նիկոլ Փաշինյանի իշխանությունում կվավերացնեն Ստամբուլյան տխրահռչակ կոնվենցիան, բայց մինչ այդ Վենետիկի հանձնաժողովի վառած կանաչ լույսի ներքո ՍԴ նախագահությունից կզրկեն Հրայր Թովմասյանին: Իսկ լուծման բանալին դատաիրավական փաթեթում է, ի մասնավորի, հետեւյալ դրույթը, որը ՍԴ անդամներին առնչվողն վաղաժամ կենսաթոշակի ուղարկելու հատվածն է: Շաբաթներ առաջ, երբ հայտնի դարձավ փոփոխության նախագիծը, այն որակվեց որպես «շանտաժի» եւ «կաշառքի» նախագիծ։ Ոչ իշխանականները մեծ աղմուկ բարձրացրին՝ հույս հայտնելով, որ միջազգային գործընկերներն իշխանություններին թույլ չեն տա օրենքի ուժ տալ իրենց բիրտ մտադրություններին։
Այս դրույթով ՍԴ դատավորներին առաջարկվում էր հրաժարական տալ՝ խոստումով, որ մինչեւ պաշտոնավարման ժամկետի լրանալը կշարունակեն ստանալ աշխատավարձը եւ սոցիալական երաշխիքները: Այս դրույթը, իհարկե, գործելու է կամավորության սկզբունքով, սա է Վենետիկի հանձնաժողովի պահանջը, բայց նկատի ունենալով իշխանության ՝դատաիրավական համակարգի նկատմամբ ունեցած վերաբերմունքն ու պատկերացումները, կարող են ասել, որ կամավորը կվերածեն պարտադիրի եւ ճնշումներով ու շանտաժով դատավորներից ոմանց կստիպեն վաղաժամ թոշակի անցնել: Այստեղ կա մի բայց, որը մենք՝ ոչ իրավաբաններս հաշվի չենք առել եւ այդ նրբություններին տիրապետում են մասնագետները:
Ըստ այդմ ՍԴ անդամներից դիցուք 7-ը չեն կարող կամ չպետք է թեկուզ կամավորությամբ վաղաժամ թոշակի անցնեն. Արփինե Հովհաննիսյանը ներկայացրել է այս հարցում հանձնաժողովի մտահոգությունները <<Այնուամենայնիվ, մի քանի դատավորների եւ նույնիսկ ինը դատավորներից յոթ դատավորների հնարավոր միաժամանակյա կենսաթոշակի անցնելը կարող է խաթարել դատարանի արդյունավետ գործունեությունը։ Այդ իսկ պատճառով, Վենետիկի հանձնաժողովը խորհուրդ է տալիս հայկական իշխանություններին վերանայել առաջարկվող սխեման այնպես, որ այս մտահոգությունը մեղմացվի>>։
Եւ, ի վերջո, ՍԴ դատավորները Հրայր Թովմասյանի լիազորությունները դադարեցնելու դիմումը վարույթ չընդունելու այսօրվա աշխատակարգային որոշմամբ ցույց տվեցին, որ չեն պատրաստվում ընկրկել իշխանությունների ճնշումներին, կա քաջ գիտակցում, որ ՍԴ-ն մեր պետականության պահպանման վերջին բաստիոնն է, իսկ իրենք ՝ սահմանապահներ:
Անի Սահակյան
Հետևեք մեզ Viber-ում
