Գույնզգույն տիկնոջն իր շքախմբով ուղարկենք առաջին գիծ

Ժամանակն է, որ հերոսների փնտրեք ուրիշ տեղերում քան պատերազմի դաշտերում, որ հետագայում չհիասթափվեք կամ ընդհանրապես ազատվել մարդկանց հերոսացնելու «ավանդույթից»:

 Լարա Ահարոնյանի այս գրառման տակ ԱԺ փոխնախագահ Լենա Նազարյանը տեղադրել է Հանրային հեռուստաընկերության մեր ժամանակի հերոսը նախագծի հղումը: Իսկ ինքը` գույնզգույն մազերով տիկինը, պարզաբանել է, թե վերոնշյալը գրել է մի քանի գեներալ-մայորների հիասթափեցնող դեպքերից հետո: Խոսքն առաջին հերթին գեներալ, Արցախի Ազգային անվտանգության խորհրդի նախկին քարտուղար Վիտալի Բալասանյանի մասին է, քանի որ գրառումն արվել է նրա վերջին հարցազրույցից հետո: 

«Ժամանակն է, որ հերոսների փնտրեք ուրիշ տեղերում քան պատերազմի դաշտերում, որ հետագայում չհիասթափվեք. կամ ընդհանրապես ազատվել մարդկանց «հերոսացնելու» ավանդույթից»: Լարա Ահարոնյանը «Քաղաքացիական պայմանագիր» կուսակցության հոգաբարձուների խորհրդի անդամ է, հայտնի է որպես սեռական փոքրամասնությունների իրավունքների պաշտպան, ըստ ԶԼՄ հրապարակումների ինքն էլ այդ համայնքի ներկայացուցիչ է:
Այս հայտարարությունից ժամեր անց մեր դարավոր հակառակորդն ու հարևանը մահաբեր ռումբերով ներխուժեց Սիրիա` սպանդ ու տեղահանություն պարտադրելով Սիրիայի հյուսիասյին շրջանի բնակիչներին` առավելապես քրդերին, ինչպես նաև այս տարածքում ապրող ազգային փոքրամասնություններին, այդ թվում նաև հայերին:
Թուրքիայի փոքր եղբայր Ադրբեջանը` մեր հաջորդ հարևանն ու հակառակորդը, գրեթե ամեն օր կրակահերթի տակ է պահում Արցախի ու Հայաստանի մեր սահմանները` անընդհատ հիշեցնելով, որ մենք ապրում ենք շարունակվող պատերազմի ռեժիմում: Իսկ սահմանին մեր տղաներն են կանգնած, այն տղաները, ովքեր անհրաժեշտության պահին կյանքով ու արյամբ պահում են սահմանը:

Հիմա Լարա Ահարոնյանը առաջարկում է, որ մենք սահմանին այս տղաների մեջ հերոսներ չփնտրենք, փնտրենք այլ տեղ: Հավանաբար գույնզգույն մազերով տիկնոջ պատկերացրած հերոսները գեյ- պարադների մասնակիցներն են կամ էլ այն միասեռականները, ովքեր ներխուժել էին ոստիկանության բաժին և ծեծել ոստիկաններին: Նրա հերոսները Ստամբուլյան կոնվենցիայի համար կուրծք ծեծողներն են, փողոցներ փակողներն ու քայլողները: Նրա արժեքային համակարգին թերևս հասու չէ այն գիտակցումը, որ ինչպես մենք բոլորս, այնպես էլ ինքը Երևանում նստած մտքին եկածը դուրս տալու համար պարտական է նախ և առաջ պատերազմի դաշտում հերոսացածներին և ամեն օր հերոսացողներին:
Ինքը մեղավոր չէ, որ չի հասկանում, թե ովքեր կարող են լինել պատերազմական ռեժիմով ապրող երկրի հերոսները: Բայց դա չեն հասկանում նաև երկրի իշխանությունները, այլապես իրենց կուսակցության անունից նման կերպ հանդես գալու համար գոնե կամաչեին: Բայց Հայաստանի ներկա իշխանությունները պատերազմի հերոսներին նսեմացնելուց ոչ միայն չեն խորշում, այլ առանձնակի հաճույք են զգում և հերոսներին ոչնչացնելու հատուկ քաղաքական կուրս են որդեգրել:
Եթե հանկարծ թեժ տարածաշրջանում ադրբեջանական ագրեսիան նոր թափ ստանա, և մենք սահմանը պահելու խնդիր ունենանք, արժի որ այս գույնզգույն տիկնոջը` բանակից թռածների իր գույնզգույն շքախմբով, ուղարկենք առաջին գիծ: Թող գնան մի քիչ երկիրը պահեն, ավտոմատի կրակոց լսեն, ռումբի որոտն ու վառոդի հոտը զգան, հետո նոր հերոս լինելու մասին դատողություններ անեն:

Հայկ  Դավթյան