Տեղեկատվական տեխնոլոգիաների համաշխարհային համաժողովի իրական «տերը» Հովիկ Աբրահամյանն է
Տեղեկատվական տեխնոլոգիաների համաշխարհային համաժողովը 2019 թվականին Հայաստանում կազմակերպելու համար ՀՀ կառավարությունը Տեղեկատվական տեխնոլոգիաների և ծառայությունների համաշխարհային ալյանսին անհրաժեշտ երաշխիքային կանխավճարի փոխանցումն ապահովելու նպատակով Էկոնոմիկայի նախարարությանը հատկացրել է 150 հազար դոլարին համարժեք դրամ: Այս մասին 2016 թվականի մարտի 10-ին տեղի ունեցած քննարկման ժամանակ իր ելույթում հայտարարել է ՀՀ նախկին վարչապետ Հովիկ Աբրահամյանը:
«Այս համաժողովը տեղեկատվական տեխնոլոգիաների ոլորտի միջազգային խոշոր միջոցառում է, որն իր շուրջն է համախմբում ՏՏ ոլորտի տարբեր երկրների բարձրաստիճան պաշտոնյաներին, վերազգային կազմակերպությունների, համալսարանների և գիտահետազոտական կենտրոնների ղեկավարներին, հասարակական կառույցների ներկայացուցիչներին: Համաժողովի անցկացումը կնպաստի միջազգային կառույցների և առաջատար տեխնոլոգիական ընկերությունների հետ համագործակցության խթանմանը, հայկական ՏՏ ոլորտի կարողությունների և ձեռքբերումների ներկայացման, ոլորտի տեղական ընկերությունների ՏՏ արտադրանքի, լուծումների և ծառայությունների արտահանման շուկաների ընդլայնման, օտարերկրյա ներդրումների ներգրավմանը»,- ասել է այն ժամանակվա ՀՀ էկոնոմիկայի նախարար Արծվիկ Մինասյանը:
Հետևեք մեզ Viber-ում
