Վլադիմիր Կարապետյանը զենք է նվիրել Դմիտրի Պեսկովին

Հոկտեմբերի 1-ին Երևանում տեղի ունեցած Եվրասիական բարձրագույն տնտեսական խորհրդի հերթական նիստին մասնակցելու էր եկել նաև ՌԴ նախագահ Վլադիմիր Պուտինը:

Հայաստանի իշխանությունները ամեն բան արել է, որպեսզի ռուսական կողմին սիրաշահեն: Իշխանության ներկայացուցիչները աշխատել են բոլոր ֆրոնտներով:

Կառավարության մեր աղբյուրների փոխանցմամբ գործին խառնվել է նաև ՀՀ վարչապետի մամուլի խոսնակ Վլադիմիր Կարապետյանը: Նա փորձել է մտերմիկ հարաբերություններ հաստատել ՌԴ նախագահի մամուլի խոսնակ Դմիտրի Պեսկովի հետ: Մեր աղբյուրներից փոխանցմամբ հարաբերությունների ջերմացման համար Վլադիմիր Կարապետյանը զենք է նվիրել Դմիտրի Պեսկովին:

Մեր ունեցած տեղեկությունների մասով փորձեցինք ստանալ նաև Վլադիմիր Կարապետյանի մեկնաբանությունը: Ֆեյսբուքյան նամակագրության միջոցով փորձեցինք ստանալ Կարապետյանի հերքումը, կամ հաստատումը: Գրավոր պարոն Կարապետյանը դեռևս չի պատասխանել մեր հարցին, չնայած այն հանգամանքին, որ ծանոթացել է մեր հարցին: Բանավոր հեռախոսազրույցի փորձերը երկուստեք անահջողությամբ պսակվեցին:

Պատրաստ ենք հրապարակել նաև Վլադիմիր Կարապետյանի տեսակետը մեր կողմից հրապարակված տեղեկատվության մասով:

Գրում է politik.am