Կոչ եմ անում իրավապահ մարմիններին ապահովել Անժելա Թովմասյանի անվտանգությունը. Սաթիկ Սեյրանյան (video)
Ժուռնալիստների միության նախագահ Սաթիկ Սեյրանյանը լրագրողների հետ հանդիպման ժամանակ տեղեկացրեց, որ Հայաստանի ժուռնալիստների միությունն անմիջապես հանդես է եկել հայտարարությամբ և նախանշել այն վտանգները, որոնց առջև կարող են կանգնել բոլոր լրատվականները.
«Մի քանի անգամ բարձրաձայնել ենք այն վտանգների մասին, որոնք կարող տեղի ունենալ թավշյա հեղափոխությունից հետո. այդ բառապաշարը, այդ լեքսիկոնը ներխուժեց մեդիադաշտ և այն հենց իշխանությունների ձեռքով տեղի ունեցավ»:
Նա դիմեց նաև իրավապահ մարմիններին՝ ապահովելու «Հայելի» ակումբի աշխատակիցների ու Անժելա Թովմասյանի անվտանգությունը:
Ս. Սեյրանյանը համոզված է, որ տեղի ունեցածը նաև քաղաքական ակտ է և ուղղված է Հրայր Թովմասյանի դեմ, քանի որ Անժելա Թովմասյանը նրա քույրն է.
«Կոնկրետ քաղաքական ակտ է՝ Թովմասյանների դեմ՝ հաշվի առնելով նաև ՍԴ-ի շուրջ ծավալվող գործընթացները և «Հայելի»-ի գործունեությունը»:
Հիշեցնենք, որ հոկտեմբերի 5-ին մի խումբ երիտասարդներ գնացել են «Հայելի» մամուլի ակումբ և նույն տարածքում գտնվող «Hayeli.am» կայքի խմբագրություն, ձվեր են նետել և «դատապարտող» պաստառներ փակցրել լրատվամիջոցի պատի ու փակ մուտքի դռան վրա։ Նրանք հայտարարել են, որ եթե խմբագրությունը բաց լիներ, նույնը կանեին ներսում։
Առավել մանրամասն՝ տեսանյութում.
Հետևեք մեզ Viber-ում
