Բոլոր մեդիաները պետք է պատրաստ լինեն, որ ակտիվիստները կարող են ներխուժել իրենց խմբագրություններ. Սաթիկ Սեյրանյան
«Հայելի» մամուլի ակումբում Հայաստանի Ժուռնալիստների միության նախագահ Սաթիկ Սեյրանյանը լրագրողների հետ հանդիպման ժամանակ տեղեկացրեց, որ Հայաստանի Ժուռնալիստների միությունն անմիջապես հանդես է եկել հայտարարությամբ և դատապարտել տեղի ունեցածը:
Բանախոսի համոզմամբ` սա կարող է շատ լուրջ հետևանքներ ունենալ: «Այսօր պահանջվում է արդեն, որ քաղաքական ուժերը, իշխանությունները կոչով հանդես գան, ոչ միայն դատապարտեն, այլև իրավապահ մարմինները գործողություններ իրականացնեն»,- ասաց նա` հիշեցնելով, որ դատավորին հարցեր ուղղող երիտասարդներին կալանավորեցին, մինչդեռ այս դեպքում բավարարվեցին աշխատավարձի տույժով:
«Սա լուծում չէ: Սա նշանակում է, որ բոլոր մեդիաները պետք է պատրաստ լինեն, որ ակտիվիստները կարող են ներխուժել իրենց խմբագրություններ, կարող են կոնկրետ գործողություններ լինել»,- նշեց Ժուռնալիստների միության նախագահը:
Հետևեք մեզ Viber-ում
