Կարեւոր է, որ ոչ մի պետություն Ղարաբաղը Հայաստանի մաս չի համարում․ Օլժաս Սուլեյմանով

 Հրապարակը գրում է.

Նախօրեին Բաքվում ավարտվեց 4-րդ Եվրասիական գրական «ԼԻՖՖՏ-2019»փառատոնների ամփոփիչ փառատոնը, որը տեղի ունեցավ «Բնիկների լեզուների տարի» ՄԱԿ-ի ծրագրի հովանու ներքո եւ նվիրված էր ադրբեջանցի պոետ Իմադեդդին Նիսամիի 650-ամյակին։ Այս փառատոնի շրջանակներում Բաքվի Գրքի տանը տեղի ունեցավ ադրբեջանցի ընթերցողների եւ ղազախստանցի գրող, հասարակական-քաղաքական գործիչ Օլժաս Սուլեյմանովի հանդիպումը։ «Վեստնիկ Կավկազա» պարբերականը զրուցել է Սուլեյմանովի հետ։ Վերջինս անդրադարձել է ոչ միայն գրական ու մշակութային հարցերի, այլ նաեւ քաղաքական խնդիրների չմոռանալով խոսել նաեւ Ղարաբաղյան հակամարտության կարգավորման բանակցային գործընթացի մասին։ Այս հարցի առնչությամբ Սուլեյմանովը մասնավորապես ասել է․ «Այն, որ ՄԱԿ-ում չեն ճանաչում Ղարաբաղը, շատ կարեւոր է։ Ոչ մի պետություն չի համարում Ղարաբաղը Հայաստանի մաս։Այդպես ասում են միայն Հայաստանում։ Ինչ որ ժամանակ հակամարտությունը անպայման կկարգավորվի եւ հույս ունեմ, որ դա կլինի առանց պատերազմի վերսկսման»։ Նշենք, որ Օլժաս Սուլեյմանովը տարիներ շարունակ Ղազախստանում հանդես է գալիս որպես ադրբեջանական շահերի խոսափող՝ նաեւ ոչ անշահախնդիր: Ի՞նչ արձագանք է տվել վերջին մեկ տարում նորացված ՀՀ դեսպանությունը Ղազախստանում՝ իր պրոֆեսիոնալ դեսպանով, դիվանագետի լրացուցիչ հաստիքով։ Գեթ մեկ հրապարակումով այս հայտարարությանը պատասխանվել է արդյոք։