Փաշինյանը շատ շուտով կհանձնի իշխանությունը

ԱԱԾ տնօրենի եւ ոստիկանապետի պաշտոններից Արթուր Վանեցյանի եւ Վալերի Օսիպյանի հրաժարականները շարունակում են ներքաղաքական օրակարգի անկյունաքարային հարցերից մեկը մնալ: Ի վերջո, ինչու հեռացան Վանեցյանն ու Օսիպյանը այն էլ այդքան աղմկոտ ձեւով: Հիշենք հատկապես Արթուր Վանեցյանի հրաժարականի տեքստն ու <<Կանգ առ>> նախազգուշացնող կոչն ուղղված Նիկոլ Փաշինյանին, որին հաջորդեց հեռահար բանավեճը սպայի պատվի ու ուսադիրների թեմայով:

Վանեցյանի հրաժարականի սկանդալային աղմուկն էր թերեւս, որ Նիկոլ Փաշինյանին դրդեց իր խորհրդական նշանակել մի քանի օր հետո պաշտոնից ազատված Վալերի Օսիպյանին: Մենք գրեցինք, որ Օսիպյանը նույնիսկ տեղյակ չի եղել խորհրդական նշանակվելու մասին եւ ոստիկանապետի պաշտոնից հրաժարվելուց անմիջապես հետո մեկնել է արձակուրդ ու մեր աղբյուրներն ասում էին, որ վերադառնալուն պես կհրաժարվի խորհրդականի պաշտոնից: Այսօր լրատվամիջոցները տեղեկացրեցին, որ Օօսիպյանը մերժել է Փաշինյանի առաջարկը՝ խորհրդական աշխատելու մասին եւ ազատման դիմում գրել, իհարկե, լուրը պաշտոնապես չհաստատվեց, ճիշտ հակառակը՝ հերքվեց, բայց մեր տեղեկություններով Օօսիպյանն իսկապես ցանկություն չունի խորհրդական աշխատելու, պարզապես Նիկոլ Փաշինյանի բացատրական զրույցից հետո չի ցանկացել սրել հարաբերությունները:

Այս հրաժարականների շուրջ բոլոր հրապարակումներն ու հայտարարություններն ըստ էության վերջնականապես փաստում են մի անհերքելի ճշմարտություն, որ թե Վանեցյանի, թե Օսիպյանի դեպքում նրանցից ազատվել է ոչ թե Նիկոլ Փաշինյանը, ինչպես փորձում են ներկայացնել վարչապետի թիմն ու իշխանական քարոզչամեքենան, այլ այս պաշտոնյաներն ազատվել են սեփական դիմումի համաձայն:
Եւ հիմա հասնելով հրաժարականների բուն պատճառներին, որքան էլ ներկայացվի, թե Վանեցյանն ու Օսիպյանը դժգոհություններ են ունեցել իշխանության եւ ի մասնավորի Փաշինյանի վարած քաղաքականության հետ, ասենք Օսիպյանի ոխերիմ Սասնա ծռերի ընդունելությունից հետո նրա ազատման դիմումը , հիրավի, պատվի հարց էր, կամ Վանեցյանի պարագայում նրան դրդել են քաղաքական ձերբակալություններ անել: Փաստն այն է, որ այդ մարդիկ մեկ տարուց ավել աշխատել են համակարգում ու կատարել Փաշինյանի հրամանները: Հետեւաբար, որն հեռացման իրական պատճառը:
Գաղտնիք չէ, որ եւ ոստիկանությունը, եւ առավել եւս ԱԱԾ-ն բոլոր թելերով կապված է Ռուսաստանի հետ, սրանք այն կառույցներն են, որոնք չգրված օրենքով փոխգործակցության մեջ են ռազմավարական գործընկեր երկրի հետ:

Ըստ ամենայնի Ռուսաստանից այս արդեն նախկին պաշտոնյաներին հուշել են մի այնպիսի բան, որը հայտնի չէ մեզ ու դրանից հետո է, որ հրաժարականներն այլընտրանք չեն ունեցել: Իսկ սա նշանակում է, որ խորքային գործընթացներ են գնում իշխանությունների դեմ, որոնց վերջնարդյունքում այսօրվա իշխանությունները գուցե այլեւս չլինեն ու հենց այդ համատեքստում է ընկալվում հրաժարականների նպատակահարմարությունը:

Անի Սահակյան