Խոշոր ավտովթար. բախվել են Mercedes G63-ն ու Mercedes 190E-ն

11:07 - 29/սեպտեմբերի/2019

Դիտել նաև Երևանում ճակատ ճակատի բախվել են «BMW»-ն ու «Chevrolet»-ը. կա 5 վիրավոր Սյունիքում վրաերթից մահացած երեխան Սառնակունքից էր, սովորում էր 4–րդ դասարանում Սարալանջի փողոցում բախվել են 2 BMW-ները, դրանցից մեկը կոտրել է երկաթե թիթեղն ու հայտնվել փոսում Խոշոր վթար Արմավիրի մարզում. կա 3 տուժած

Ճանապարհային ոստիկանության 2-րդ սպայական գումարտակի 2-րդ վաշտի ավագ հետաքննիչ Նաիրի Գասպարյանի կողմից նյութեր են նախապատրաստվում սեպտեմբերի 27-ին Շիրակի մարզում տեղի ունեցած ավտովթարի փաստով: Ժաը 20:00-ի սահմաններում Երևան-Գյումրի ավտոճանապարհի 111-րդ կմ հատվածում բախվել են Ազատան գյուղի բնակիչ, 71-ամյա Երջանիկ Ս.-ի վարած Mercedes 190E մակնիշի 18 ԼՍ 567 համարանիշի և Ձորակապ գյուղի բնակիչ, 50-ամյա Վահրամ Ի.-ի վարած Mercedes G63 մակնիշի 10 AM 500 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Երջանիկ Ս.-ն և Վահրամ Ի.-ի ուղևորուհի, Գյումրիի բնակիչ, 47-ամյա Ալվարդ Խ.-ն մարմնական վնասվածքներով տեղափոխվել են Գյումրի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Ռաֆայել Ասրյանի գլխավորությամբ: Ժամանել են նաև ոստիկանության Արթիկի բաժնի օպերատիվ խումբը՝ համայնքային ոստիկանության բաժանմունքի պետ Սանոսյանի գլխավորությամբ: