Մեր երկրում դավաճանների թիվը շատ ավելին է. Թուրքիայի փոխվարչապետ
Թուրքական Dünya թերթի փոխանցմամբ՝ Թուրքիայի փոխվարչապետ Նուման Քուրթուլմուշը մեկնաբանել է Հայոց ցեղասպանության 101-րդ տարելիցի կապակցությամբ մամուլում տեղ գտած հրապարակումները: «Ամեն ազգ էլ ունի դավաճաններ, սակայն, դժբախտաբար, մեր երկրում դավաճանների թիվը շատ ավելին է։ Այդ պատճառով էլ նախ դիմում եմ երկրի ներսում գտնվողներին, որպեսզի նրանք 1915 թվականի դեպքերի վերաբերյալ խոսելուց առաջ տեղեկացված լինեն։ Անհրաժեշտ է կարգի հրավիրել մեր միջի դավաճաններին, որոնք համարում են, որ աջից-ձախից լսած տեղեկություններով կարող են վիրավորել ու անկյուն մղել Թուրքիային։ Նման բան չի լինի»,- ասել է նա։ Քուրթուլմուշը հայտարարել է, որ Թուրքիան պատմական թեմաների հարցում «վախենալու» բան չունի, և խոսում է արխիվները բացելու մասին. «Մենք պատրաստ ենք գիտական շրջանակներում յուրաքանչյուրի հետ քննարկել Հայկական հարցը։ Մեր բոլոր արխիվները պատրաստ են, տարիներով խոսում ենք այդ մասին։ Թող հայերն էլ բացեն իրենց արխիվները»։
Հետևեք մեզ Viber-ում
