Նիկոլ Փաշինյանի բերմունդյան եռանկյունին
Սեպտեմբերի 12-ին Շենգավիթի ընդհանուր իրավասության դատարանում մեկնարկեց Ռոբերտ Քոչարյանի և նախկինում այլ երեք բարձրաստիճան պաշտոնյաներ Սեյրան Օհանյանի, Յուրի Խաչատուրովի և Արմեն Գևորգյանի դատավարությունը՝ մարտիմեկյան գործով: Ինչ ընթացք կունենա դատավարությունը ներսում , ցույց կտա բնականաբար ժամանակը: Բայց ինչն է հետաքրքրական, որ դատարանի ներսում և դրանից դուրս առկա է որոշակի հանրային գործընթաց՝և Ռոբերտ Քոչարյանի կողմնակիցներն են բողոքի ակցիաներ իրականացնում, եւ նրան ազատազրկել պահանջողները : Հատկապես ուշագրավ էր ՀԱԿ-ականների հայտնությունը: Իշխանությունների առջեւ Ամուլսարի խնդրից բացի փորձաքար է կանգնած նաեւ Ռոբերտ Քոչարյանի դատավարությունը: Նիկոլ Փաշինյանի ու Սասնա Ծռերի առաջնորդների անցած շաբաթ տեղի ունեցած հանդիպման ընթացքում եւս չի շրջանցվել այդ հարց, եթե չասենք հավասար հարթության վրա է եղել, որքան Ամուլսարը: Նիկոլ Փաշինյանը հասկանում է, որ ի դեմս Քոչարյանի երկրում ընդդիմադիր բեւեռ է ձեւավորվում, ու Ծռերին փորձելու է նրա դեմ պայքարի գործիք դարձնել: Առաջին ծիծեռնակներն արդեն երեւացին Քոչարյանի գործով դատավարության ժամանակ: Ծռերը կազմակերպված արշավ էին իրականացնում թե համացանցում, թե դատարանի առջեւ: Ինչ-որ առումով տարօրինակ էր նաեւ Լեւոն Տեր-Պետրոսյանի թիմի հայտնությունը: Մի կողմից նրանք դժգոհ են Փաշինյանից իր այն քաղաքականության համար, որ անտեսում է ՀԱԿ-ականներին, նրանց սպասելիքները պաշտոնների տեսքով չի արդարացնում, պատահական չէր, որ օրերս Ամուլսարի խնդրով ՀԱԿ-ը կոշտ հայտարարությամբ հանդես եկավ, մյուս կողմից տեսնում ենք այսպիսի համագործակցություն:
Միանգամայն հասկանալի է, որ մարտիմեկյան իրադարձությունների առանցքային դերակատարը չէր կարող թիմին չհանել ռազմաճակատ, երկրորդ նախագահի նկատմամբ ունեցած թշնամանքը , անձնական վրեժխնդրությունը մի կողմից, մյուս կողմից Արցախի հարցում որոշակի պլաններ ունենալու հարցը, տերպետրոսյանական հող հանձնելու պլանի իրագործումը, որը պահանջում է, որպեսզի Քոչարյանը եւ ընդհանրապես պատերազմի գեներալները հայտնվեն ու մնան բանտում:
Դատարանից դուրս ուրվագծվող դաշինքում թերեւս ուրույն տեղ է զբաղեցնում նաեւ անկախացած Արման Բաբաջանյանը, որի առաքելությունն էլ թերեւս տեղեկատվական հարթակում Քոչարյանի դեմ տեռոր իրականացնելն է: Բաբաջանյանը դա անում է ինչպես իր հարցազրույթներում, այնպես էլ իր կայքում: Նիկոլ Փաշինյանը քաղաքական լանդշաֆտի վերաձեւման փուլում է ու մի քանիսի հետ գործարքն արդեն տեսանելի է անզեն աչքով:
Անի Սահակյան
Հետևեք մեզ Viber-ում
