ԿԳՆ աշխատակիցը վրաերթի է ենթարկել ՀԷՑ-ի աշխատակցին. ՖՈՏՈՌԵՊՈՐՏԱԺ

Երեկ՝ ապրիլի 22-ին, վրարերթ է տեղի ունեցել Երևանում: Ժամը 17:30-ի սահմաններում Երևանի բնակիչ, 23-ամյա Վահե Նիկոյանը Օրբելի և Կիևյան փողոցների խաչմերուկում իրեն ամրակցված Toyota մակնիշի 707 ԼԼ 60 համարանիշի ավտոմեքենայով վրաերթի է ենթարկել հետիոտն, Երևանի բնակիչ, 60-ամյա Վաչե Վաչյանին: Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է վրաերթի ենթարկվածին տեղափոխել «Արմենիա» բժշկական կենտրոն: Դեպքի վայր են ժամանել Ճանապարհային ոստիկանության 1-ին սպայական գումարտակի աշխատակիցները՝ Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Դավիթ Մարտիրոսյանի գլխավորորությամբ, ում կողմից փաստի առթիվ նյութեր են նախապատրաստվում: Քննիչի հանձնարարականով ավտոմեքենան տեղափոխվել է Երևանի ՃՈ պահպանվող հատուկ տարածք: Գ. Շամշյանի տեղեկություններով՝ վարորդ Վ. Նիկոյանն աշխատում է ՀՀ Կրթության և գիտության նախարարության գիտության պետական կոմիտեում, իսկ վրաերթի ենթարկված Վ. Վաչյանը աշխատում է «Հայաստանի էլեկտրոցանցեր» ՓԲԸ-ում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի