Փաշինյանը որքան գումար է պատրաստվում փոխանցել Վանոյի բանդայի զոհերին

Կառավարությունը 2008թ. մարտի 1-2-ին տեղի ունեցած բախումների ժամանակ զոհված քաղաքացիների ընտանիքների անդամներին եւ տարբեր աստիճանի վնասվածքներ ստացած քաղաքացիներին աջակցություն տրամադրելու համար պետական բյուջեից կհատկացվի 720 միլիոն դրամ: Երևանի կենտրոնում զոհված քաղաքացիների հարազատներին որպես աջակցություն միանվագ կտրվի 30 մլն ՀՀ դրամ, առողջությանը ծանր վնաս հասցված անձին՝ 15 մլն ՀՀ դրամ, առողջությանը միջին ծանրության վնաս հասցված անձին՝ 5 մլն ՀՀ դրամ:
Հարցը տվյալ դեպքում այն չէ, թե ինչու են փոխհատուցում զոհերի հարազատներին կամ վիրավորներին, ի վերջո մարդկային կյանքերն անգնահատելի են ու պետությունը ցանկացած իրավիճակում պետք է կանգնի իր քաղաքացու կողքին՝ լինի դա բարոյական, թե ֆինանսական աջակցությամբ: Հարցն այստեղ այն է, թե ինչու միայն կամ հենց Մարտի 1-2-ի իրադարձությունների տուժածներին: Ինչու է Նիկոլ Փաշինյանը իր քաղաքական գործունեությունը կառուցում այս իրադարձության վրա, երկրի թիվ մեկ բանտարկյալը հենց այս գործով է, փոխհատուցումը հենց այս դեպերի մասնակիցներինն է եւ այսպես շարունակ: Կկարող ենք ասել, որ Փաշինյանը մնացել է Մարտի 1-ի իրադարձությունների տակ, քանի որ մեղքի մեծ զգացում ունի: Գուցե հարցն այն է, որ այդ զոհերն ու վիրավորները եղան նաև այն պատճառով, որ Նիկոլ Փաշինյանը զբաղված էր սադրանքներով , թալանի կոչերով, մարդկանց կրակի բերան ուղարկելով:
Բայց միեւնույն է՝ հանրությունը պետք է իմանա՝ ինչ չափորոշիչներով է որոշվել, որ միայն եւ առաջին հերթին պետք է մատյան իրադարձություններից տուժածները փոխհատուցվեն, էլ չենք խոսում՝ ինչպես է որոշվել գումարի չափը: Եթե Նիկոլ Փաշինյանը իրեն համարում է միայն Մարտի 1-ի վարչապետ դա ուրիշ հարց է, իսկ եթե ոչ, ապա ուղղակի պարտավոր է փոխհատուցել նաեւ անցյալի հայտնի իրադարձություններից տուժածներին կամ նրանց ընտանիքներին: Օրինակ 1996-ի պետական տեռորի <<զոհերին>> ի դեմս Վազգեն Մանուկյանի, Վանո Սիրադեղյանի հանցավոր բանդայից տուժածներին: Ասենք ինչու ՝ սահմանի վրա մեր հայրենիքի պաշտպանության համար զոհվածները, որոնց հարազատները չեն արժանանում Փաշինյանի ուշադրությանը, ինչու չփխհատուցել նրանց՝ արցախյան ազատամարտից սկսած վերջացրած ապրիլյան պատերազմ:
Եթե, իսկապես, Փաշինյանը միայն Մարտի 1-ի վարչապետն է, ապա թող խոստովանի եւ մյուսներս էլ իմանանք մեր գլխի գալիքն ու պետությունից ակնկալիքները:

Անի Սահակյան