Հուժկու պայթյուն. ինչ է սպասվում հերոսին

Արցախի հերոս Վիտալի Բալասանյանը պայթյուն է առաջացրել Հայաստանի ներքաղաքական կյանքում: Ինչպես պատերազմի դաշտում է Բալասանյանը հերոսբար պայքարել արտաքին թշնամու դեմ՝ չերկնչելով եւ ոչ մի բանից, այնպես էլ այսօր է նա զենքը ձեռքը վերցրել ու ներքին պայքար է տանում այն խմբակի դեմ, որն Արցախ-Հայաստան պառակտում է մտցրել, որը Արցախում հող հանձնողների է փնտրում, որը պետության նախկին ղեկավարի է կալանավորում անձնական վրեժխնդրության հողի վրա, որը ինչպես Բալասանյանն է բնութագրում ապագա չունի ու չի երեւում այս իշխանության ապագան: Ու չնայած Բալասանյանը թանկ հատուցեց հայաստանյան իշխանության դեմ առճակատումների համար, ամիսներ առաջ պաշտոնով հատուցեց, բայց սա հերոսի տեսակ է, նա կարող է կորցնել ամեն ինչ, անգամ սեփական կյանքը, բայց լռել, երբ պետության գլխին սուր է ճոճվում՝ երբեք: Առնվազն պետք է կտրված լինես այս իրականությունից, որպեսզի չհամաձայնես Բալասանյանի ցանկացած մտքի, յուրաքանչյուր տառի տակ ու չարշավել նրա դեմ, տեղեկատվական տեռորի չենթարկել: Եւ այստեղ ոչ Ռոբերտ Քոչարյանի, ոչ Սերժ Սարգսյանի մարդը լինելու խնդիրն է, ու ինչպես ինքը՝ հերոսն է ասում՝ ինքը որ Ռբորտի մարդն է, ոչ՝ Սրժի, այստեղ հայ մարդու տեսակի խնդիր է, որը չի կարող համակերպվել այս վիճակին եւ պետք է լինի մեկը՝ ասելու, որ արքան մերկ է:
«Կար ժամանակ, երբ հագուստ չկար, մարտական ընկերը հանում էր հագուստը և այդ հագուստով հուղարկավորում զոհված ընկերներին: Եվ այսօր դասալիքները հագնելով զինվորական զգեստ՝ պղծում են այն: Չեն կարող մեր հագուստը հագնել անձինք, որ չեն ծռայել զինված ուժերում»,- Yerevan Today-ի հետ հարցազրույցում ասում է Բալասանյանն ու հավելում.«Նրանք, ովքեր ծառայել են զինված ուժերում, ծառայությունից հետո ոչ բոլորն իրավունք ունեն կրել զինվորական համազգեստ, որովհետև երբ նրանց մարտական կամ ծառայության ուղին նայենք, իրենց պարտականությունները ճիշտ չեն կատարել»: Հասկանալի է, որբ խոսքն ուղղված է այս իշխանավորներին, որոնք դասալիքների հզոր բանակ են հիշեցնում: Բալասանյանը կարեւոր արձանագրում արեց նաեւ Սասնա Ծռերի հարցում.. «Ես չգիտեմ, թե ինչու Հայաստանի իշխանությունները գնացին այդ քայլին: Ցանկացած հանցագործություն, որ ներվում է, բերում է այլ հանցագործությունների: Տեսեք, թե ինչ են արել «Սասնա Ծռերն» ազատ արձակվելուց հետո՝ Արցախը մարզ է, ռուսական ռազմաբազան պետք է հանել և այլն: Ցույց տվեք մի երկիր, որ ահաբեկիչներին տանում են տելեստուդիա, նրանք էլ քաղաքական գնահատական են տալիս իշխանություններին, Արցախին: Իմ կոչը Հայաստանի իշխանություններին՝ րոպե առաջ զգաստացեք: Րոպե առաջ պետք է իշխանությունը բոլոր երևույթներին գնահատական տա»:
Հիշեցնենք, որ ՊՊԾ գնդի զավթմանը վերջ տրվեց Վիտալի Բալասանյանի միջնորդությամբ:«Ժամանակին ասել եմ՝ նրանք, ովքեր համարում են Արցախը մարզ, ոտք չդնեն: Ուղիղ եմ ասել: Նրանք Ադրբեջանի ու այլ ուժերի ջրաղացին են ջուր լցնում: Արցախը երբևիցե բեռ չի եղել Հայաստանի համար, չկա ու չի լինելու»,- ասաց Արցախի հերոսը, նա բացահայտեց, որ ժամանակին ինքը Նիկոլ Փաշինյանի կաբինետում վերւինիս զգուշացրել է, որ Ծռերը երկրի ու անձամբ Փաշինյանի համար լուրջ պրոբլեմ են լինելու: Բալասանյանն ակնարկում է, որ Փաշինյանը ծռերին ազատություն է տվել Արցախի դեմ իր ծրագիրն իրագործելու նպատակով:
Հարցազրույցի կուլմինացիան, անշուշտ Ռոբերտ Քոչարյանի կալանավորման ու Մարտի 1-ի թեմայի մասին էր:
«Ովքե՞ր են սպանել 10 հոգուն: Ասում են մարտի 1-ը բացահայտվել է, էս վերջերս էլ կալանավորել էին գնդապետի՝ զոհերից մեկի սպանության համար: Նա էլ, ըստ լրատվամիջոցների, այդ տարածքում անգամ չի գտնվել: Ինչի՞ մասին է խոսքը: Փաստահավաք խնբի նպատակը մեկն է՝ հանրապետության նախագահի ձերբակալումը և րոպե առաջ ուղարկել ցմահ բանտարկության: Բա ո՞ւր է փաստահավաք խմբի 10 տարվա աշխատանքը, երբ հայտնի չէ ոչ մեկ դեպք, որ այսինչը սպանել կամ վիրավորել է այնինչին: Գոնե մեկ դեպք արձանագրե՞լ են: Չկա այդպիսի հասկացողություն: Պետք է զերծ մնալ նման խոսակցություններից»,- ասաց նա ու շարունակեց.
«Ցույց տվեք մի դեպք, որ բանակը կրակել է: Խոսում են, թե գեներալները եկել են, հրամանաններ են տվել, գեներալները կրակել են, 60 հոգի են առանձնացրել… Ի՞նչ է նշանակում ժողովրդի վրա են կրակել: Ժողովրդի վրա կրակել է Լևոն Տեր-Պետրոսյանն իր խմբով: Կգա ժամանակը, ես էլ տեղյակ եմ մարտի 1-ի դեպքերից, ես էլ ինֆորմացիաներ ունեմ՝ ինչ է կատարվել: Րոպե առաջ պետք է այդ երևույթին գնահատական տալ, և ազատության մեջ լինի Ռոբերտ Քոչարյանը:… Ի՞նչէ նշանակում Ռոբերտ Քոչարյանը կարող է խոչընդոտել քննությանը, եթե ինքն է գնացել ԱԱԾ: Թող փախչելու մասին մտածեն այն դասալիքները, որ ժամանակ առ ժամանակ փախուստի էին դիմում»:
Նա ասել է նաեւ.«Ես այդպես էլ այդ հրավերը չստացա ՀՔԾ պետից, որ քննեինք մարտի 1-ի դեպքերը»: Ջախջախիչ քննադատել է նաեւ ապրիլյան պատերազմի դեպքերը քննող հանձնաժողովի գոյության փաստը.<<Հեռու մնացեք, գնացեք ձեր գործերով զբաղվեք, դուք ինչ ստատուս ունեք, որ ինձ ՝ ապրիլյան պատերազմի մասնակցիս, կանչեք հարցքաքննության>>:
Իշխանությունները կկաողանան արդյոք անհետեւանք թողնել այս քննադատությունները եւ հետեւություններ անել դրանցից, թե փորձելու են մանր վրեժխնդրությամբ պատասխանել հերոսին:

Անի Սահակյան