«Դվին» ռեստորանից 20-ից ավելի հարսանքավորներ տեղափոխվել են հիվանդանոց

10:08 - 31/օգոստոսի/2019

Դիտել նաև Ընտանիքի 4 անդամներ «սննդային թունավորմամբ» տեղափոխվել են հիվանդանոց Արագածոտնի մարզում 3-ամյա աղջնակը ջերմային այրվածքներով տեղափոխվել է հիվանդանոց Արցախում 6 երեխա գտնվում է մանկական հիվանդանոցի նորածնային և վերակենդանացման բաժանմունքներում Թբիլիսյան խճուղում կառուցվող շենքից 59-ամյա բանվորը վայր է ընկել և տեղում մահացել

SHAMSHYAN.com-ի տեղեկություններով՝ քիչ առաջ 20-ից ավելի քաղաքացիներ բուժօգնություն ստանալու նպատակով դիմել են Գյումրու ինֆեկցիոն բժշկական կենտրոն:

Ինչպես հայտնում է ֆոտոլրագրող Գագիկ Շամշյանը, նրանք Գյումրի քաղաքում գործող «Դվին» ռեստորանային համալիրում մասնակցելիս են եղել հարսանեկան արարողության և, ըստ տեղեկությունների, ունեցել են սուր աղիքային թունավորում: Այս պահին դեպքի հանգամանքները պարզելու համար տեղում զբաղվում են ոստիկանության Շիրակի մարզային վարչության ծառայողները; Գ. Շամշյանի տեղեկություններով՝ հիվանդանոց տեղափոխվածների մեծ մասին բժշկական կենտրոն են տեղափոխել օպերատիվորեն ժամանած Գյումրու շտապօգնության բժիշկների հերթապահ խմբերը, իսկ թվով 7 թունավորվածների իրենց ծառայողական ավտոմեքենաներով հիվանդանոց են տեղափոխել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները: Թունավորվածներից 6-ը երեխաներ են: Այս պահին ինֆեկցիոն հիվանդանոցում է ԱԺ պատգամավոր Կարեն Սարուխանյանը: