Գողացված հաղթանակ

Այս խաղով, այս կազմով, այս գլխավոր մարզիչով «Արարատ-Արմենիան» ֆուտբոլի Եվրոպայի լիգայի խմբային փուլում անելիք չուներ, բայց համաձայնվեք, որ այնտեղ անելիք չունեն նաեւ «Դուդելանժը», «Աստանան», Ադրբեջանի չեմպիոնը եւ մի շարք այլ թիմեր:

Նույնիսկ այս մարզիչով, այս կազմով եւ այս խաղով «Արարատ-Արմենիան» պարտավոր էր դուրս գալ հաջորդ փուլ հանուն հայկական ֆուտբոլի ներկայի եւ վաղվա: Հասնել փլեյ-օֆֆ եւ դուրս մնալ հետխաղյա 11-մետրոնոցներով, այն էլ այն դեպքում, երբ առաջին խաղակեսն ավարտել ես 1:0 հաշվով եւ ընդհանուր հաշվով առաջ ես երկու գոլով:

Պարտության միակ եւ միակ մեղավորը եւ պատասխանատուն Վարդան Մինասյանն է՝ «Արարատ-Արմենիայի» գլխավոր մարզիչը: 1:0 հաշվով հաղթել եւ ընդմիջմանը թիմին չհրահանգել երկրորդ խաղակեսը սկսել ագրեսիվ եւ ագրեսիվ պրեսինգով, առնվազն շահելով 15-20 րոպե, ոչ թե կոպիտ սխալ է այլ անգրագիտություն:

Հաղթող թիմին, ոչ ուժեղ թիմի հետ խաղում հրահանյգել մտնել խոր պաշտպանություն դա անմտություն էր: Եւ սա առաջին դեպքը չէր: Այսպես էր «Արարատ-Արմենիայի» բոլոր խաղերում, անգամ Ջիբրալթարի չեմպիոնի հետ խաղում: Վրաստանի չեմպիոնից էլ Երեւանում պարտություն կրեցինք Վարդան Մինասյանի անհաջող մարտավարության արդյունքում:

Մեզնից, հայ ֆուտբոլասերից, հայկական ֆուտբոլից գողացան հաղթանակը եւ ինչ որ տեղ մենք սրան արժանի էինք: Արժանի էինք նաեւ այն պատճառով, որ ֆուտբոլասերի անվան տակ Լյուքսեմբուրգում հայտնվեցին «ֆուտբոլասերներ», իսկ «Կարմիր արծիվներ» ֆան ակումբը, որը անմնացորդ աջակցեց թիմին այս ամբողջ ընթացքում, մնաց անտեսված:

Ամեն ինչ, ամեն քայլ ունենում է իր հետեւանքը: Ամեն ինչ այս աշխարչհում փոխկապակցավծ է: Եւ ինչպես չպարտվեր «Արարատ-Արմենիան», երբ Հանրային հեռուստաալիքի մեկնաբանները այնպիսի ձայնով էին խոսում, այնպիսի տրամադրվածությամբ, կարծես էթսոնացի լինեին եւ բայդարկայի եւ կանոեի մասնագետ:

Մնում է հետեւություն անել, մնում է հասկանալ, թե ով է որոշել, որ Պետրոս Ավետիսյանը աստղ է, ով է որոշել լավ, գոնե համեմատության մեջ լավ թիմերը հանձնել Վարդան Մինասյանին եւ տապալել:

Լիներ այլ մարզիչ, հաստատ այս արգելքը կխաղթահարվեր նույնիսկ այս կազմով, լիներ այլ մարզիչ նա կհիշեր իր թիմին աջակցած ֆան ակումբի տղաներին եւ կկանխեր այն ինչին ականատես եղանք:

Իհարկե, մեր բոլորի ամոթն է, որ 25 տարվա ընթացքում եւ ոչ մի թիմ չհայտնվեց խմբային փուլում, բայց եթե մեր ամոթն է, ապա պատասխանատուն ֆուտբոլի ղեկավարներն են, բոլոր ժամանակների ղեկավարները:

Top-News.am