Ինչ էին փնտրում Գագկիկ Խաչատրյանի տանը. նոր մանրամասներ

Երեկ` օգոստոսի 27-ին, խուզարկություններ են կատարվել ՀՀ պետական եկամուտների կոմիտեի նախկին նախագահ, ՀՀ ֆինանսների նախկին նախարար Գագիկ Խաչատրյանի, ինչպես նաև վերջինիս հետ փոխկապակցված մի շարք անձանց առանձնատներում և բնակարաններում։

Խուզարկությունից հետո Գագիկ Խաչատրյանը և Կարեն Խաչատրյանը (ՀՀ ՊԵԿ նախկին բարձրաստիճան պաշտոնյա) ՀՀ քրեական օրենսգրքի 308-րդ հոդվածի 2-րդ մասով և 179-րդ հոդվածի 3-րդ մասի 1-ին կետով նախատեսված հանցագործությունների (ծանր հետևանքների առաջացմամբ զուգորդված պաշտոնեական դիրքի չարաշահում և առանձնապես խոշոր չափերով գույքի վատնում) կատարման կասկածանքով բերման են ենթարկվել ՀՀ ԱԱԾ քննչական դեպարտամենտ և ձերբակալվել:

Ձերբալակությունից հետո ՊԵԿ նախկին նախագահ Գագիկ Խաչատրյանի պաշտպաններից Երեմ Սարգյսանը լրագրողներին տեղեկացրել է. «Առավոտից խուզարկություններ են կատարվում բնակության վայրում և Ծաղկաձորում գտնվող բնակության վայրում: Ըստ էության, իմ գնահատմամբ, էնպիսի առարկաներ չկան, որոնք կարող են գործի համար էական նշանակություն ունենալ կամ, ասենք, դրանք ոչ օրինական էին: Օրինական զենքեր են եղել, որոնք առգրավվել են Գործի համար նշանակություն ունեցող փաստաթղթեր էին փնտրում, այդպիսի փաստաթղթեր չկային, դրա համար չեն առգրավվել, հետևաբար չգիտեմ՝ ինչի համար էին փնտրում»: