Նիկոլ Փաշինյան-Մասիս Մայիլյան.ովքեր են միջնորդնեերը

Երբ Արցախի արտաքին գործերի նախարար Մասիս Մայիլյանը հայտարարեց առաջիկայում կայանալիք համապետական ընտրություններին մասնակցելու հավանականության մասին, մամուլը գրեց, որ նա Մայիլյանը Երևանից դրական ազդակներ է ստացել առաջադրվելու համար: Այս տեղեկությունը լիովին համապատասխանում է իրականությանը, Մայիլյանը համարվում է ՀՀ իշխանությունների պահուստային թեկնածուն Արցախի նախագահական ընտրություններում, որոնք կկայանան եկող տարվա գարնանը: Թեեւ տեղեկատվությանը, որ այդ պաշտոնին հավակնող թեկնածուներից երկուսը Արայիկ Հարությունյանն ու Սամվել Բաբայանը արժանացել են Նիկոլ Փաշինյանի համակրանքին, այդուհանդերձ փաստն այն է, որ ինքը՝ Փաշինյանը չի վստահում այս մարդկանց եւ յուրաքանչյուրի դեպքում կոնկրետ պատճառներ կան: Որքան էլ Փաշինյանին հաջողվեց Բաբայան-Հարությունյան անհնարին թվացող համագործակցություն ստեղծել եւ Վանեցյանի քավորությամբ երկուսը հանդիպեցին, բայց բարդությունները մնացին անհաղթահարելի:

Սամվել Բաբայանի տեսակը հաշվի առնելով ռիսկային է համարվում, որ նա ընտրությունից հետո կպահի պայմանավորվածությունը: Բաբայանի պարագայում կա նաեւ տասը տարվա մշտական բնակության խնդիրը ու միգուցե սահմանադրական փոփոխություններ չկայանան եւ նա հնարավորություն չստանա առաջադրվելու: Իսկ Արայիկ Հարությունյանը թեպետ հեղափոխությունից հետո հայտարարել է Փաշինյանին անվերապահ աջակցելու մասին ու գործնականում մի քանի անգամ ապացուցել դա, այդուհանդերձ նա եղել է նախկին վարչապետ, ասել է թե գործող իշխանության երբմնի ներկայացուցիչ: Հետեւաբար չկա երաշխիք, որ նրա ընտրությունը դուրս է լինելու նախկինների ծիրից, ճիշտ հակառակը նա կարող է դառնալ գործող վարչակազմի ժառանգորդ: Ուստի այս պարագայում այլ բան չի մնում անել, քան խաղի մեջ նոր խաղացող մտցնելն է, որպիսին Մասիս Մայիլյանը, ով բավականին իներտ է եղել քաղաքական գործընթացներում: Մեզ հաջողվեց պարզել, որ Մայիլյանի թեկնածության համար Փաշինյանին հուշել են, կամ միջնորդել Թեւան Պողոսյանը՝ Արմեն Սարգսյանի օգնական, Արցախի խորհրդարանի պատգամավոր Հայկ Խանումյանը եւ սորոսական թեւը:
Կհաջողվի Փաշինյանին նոր ֆիգուրի շնորհիվ հասնել պլանների իրագործման, դժվար է ասել, մինչեւ ապրիլ դեռ երկար ժամանակ կա, իսկ այդ ընթացքում նախընտրական պայքարում հնարավոր են այլ զարգացումներ:

Անի Սահակյան