Օպտիմալացումն ու կրճատումները շարունակվում են

 ՀՀ կրթության, գիտության, մշակույթի և սպորտի նախարարության ենթակայության «Ժողովրդական երաժշտության ազգային կենտրոն» պետական ոչ առևտրային կազմակերպությունը միավորվում է «Հայաստանի պետական‎ֆ իլհարմոնիա» պետական ոչ առևտրային կազմակերպությանը : Նախագիծն ընդգրկված է օգոսոտսի 8-ի կատավարության նիստի օրակարգում, որպես չեզեկուցվող հարց:
Սահմանվում է, որ «Հայաստանի պետական ‎ֆիլհարմոնիան» «Ժողովրդական երաժշտության ազգային կենտրոնի» իրավահաջորդն է, և վերջինիս են անցնում միացված իրավաբանական անձի իրավունքներն ու պարտականությունները` փոխանցման ակտին համապատասխան:
Վերակազմակերպման հետ կապված ծախսերը կատարվելու են «Հայաստանի պետական‎ ֆիլհարմոնիայի» միջոցների հաշվին:
 Նշվում է նաև, որ «Պետական ոչ առևտրային կազմակերպությունների մասին» ՀՀ oրենքի 8-րդ հոդվածով նախատեսված լիազորությունը վերապահվում է Կրթության, գիտության, մշակույթի և սպորտի նախարարությանը:
ԿԳՄՍ նախարարին հանձնարարվում է որոշումն ուժի մեջ մտնելուց հետո երկամսյա ժամկետում ապահովել` «Հայաստանի պետական‎ ֆիլհարմոնիա» ՊՈԱԿ-ին անհատույց օգտագործման իրավունքով հանձնվnղ գույքի հանձնման-ընդունման աշխատանքների կատարումը, ինչպես նաև հաստատել գույքի կազմը, արժեքը, միացման պայմանագիրը և փոխանցման ակտը: «Հայաստանի պետական‎ ֆիլհարմոնիայի» կանոնադրության մեջ համապատասխան փոփոխությունների կատարումը և դրանց պետական գրանցումը:
Որպես հիմնավորում նշվում է, որ Հայաստանի պետական ֆիլհարմոնիան միակ պետական համերգային կազմակերպությունն է, որի հիմնական գործառույթը համերգաթատերային միջոցառումների կազմակերպումն է` երաժիշտ-կատարողների, մասնագետի մասնագիտական պահանջների բավարարումը, համերգների կազմակերպումը Երևանում և հանրապետության մարզերում: «Ժողովրդական երաժշտության ազգային կենտրոնում ընդգրկված է երեք անսամբլ /«Հայաստանի ազգային նվագարաններ», Գուսանական և «Ակունք» համույթները/, որոնց գործառույթները նման են ֆիլհարմոնիայի գործառույթներին: Միացման միջոցով վերակազմակերպումը ուժեղացնում, ավելի արդյունավետ է դարձնում նշված կազմակերպությունների աշխատանքները:Այս երեք համույթները փաստացի չունեն մշտական փորձատեղի, նրանց փորձերը միշտ ձախողման վտանգի տակ են տարբեր պատճառներով: Բացի այդ, յուրաքանչյուր համերգի համար նախարարությունը լրացուցիչ միջոցներ է տրամադրում դահլիճի վարձակալության համար։ Միացման դեպքում այս խնդիրը ևս լուծվում է։
Միացմամբ այս երեք անսամբլները կունենան Երևանի կենտրոնում մշտական հասցե, փորձատեղ և համերգային դահլիճ, ինչը ևս առավել արդյունավետ կդարձնի նրանց աշխատանքը: Այս պարագայում ֆիլհարմոնիան կունենա համերգներ կազմակերպելու /և' իր դահլիճում, և' մարզերում/ լրացուցիչ ստեղծագործական և ֆինանսական ռեսուրսներ»,- նշվում է նախագծի հիմնովորման մեջ:

   Հայաստանի պետական ֆիլհարմոնիայի և Ժողովրդական երաժշտության ազգային կենտրոնի վերամիավորման արդյունքում, ըստ նախագծի, կապահովվի Ժողովրդական երաժշտության ազգային կենտրոնի 3 ստեղծագործական կազմերի (Ազգային նվագարանների նվագախումբ, Գուսանական և ժողովրդական երգի համույթ, «Ակունք» ազգագրական համույթ) բնականոն գործունեությունը, որը պայմանավորված է ստացիոնար բեմի, փորձասենյակների և գրասենյակային տարածքների ապահովմամբ և ստեղծագործական գործոնի բարձրացմամբ:

Որոշման նախագծում սակայն չի նշվում, թե այս միավորման դեպքում քանի մարդ է կորցնում աշխատանքը և ինչի հաշվին ու որքան գումար է տնտեսվելու:

Հայկ Դավթյան