Խոշոր ավտովթար-հրդեհ Կոտայքի մարզում

Այսօր, օգոստոսի 7-ին խոշոր ավտովթար-հրդեհ է տեղի ունեցել Կոտայքի մարզում։ Ժամը 00։30-ի սահմաններում Եղվարդ-Զովունի ավտաճանապարհի «Անի» կաթնամթերքի գործարանի դիմաց բախվել են Եղվարդ քաղաքի բնակիչ 38-ամյա Աշոտ Անտոնյանի վարած BMW մակնիշի տրանզիտ 0150 HT համարանիշի և Էջմիածին քաղաքի բնակիչ 26-ամյա Շահեն Սերոբյանի վարած Opel մակնիշի 31 TU 001 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, բախման հետևանքով BMW-ում հրդեհ է բռնկվել։ Ու մինչ կժամանեին հրշեջները, քաղաքացիները փորձել են իրենց ուժերով մարել կրակը, սակայն BMW-ն ամբողջովին վերածվել է մոխրակույտի։ Ըստ նախնական տեղեկությունների՝ տուժածներ չկան։ Դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ դասակի հրամանատար Տիգրան Քոթանջյանի գլխավորությամբ։ Տեղում հետաքննչական աշխատանքները ղեկավարել է նույն վաշտի հետաքննիչ Ավետիք Ավետիսյանը, ում կողմից փաստի առթիվ նյութեր են նախապատրաստվում։