Քանյե Ուեսթը Կալաբասասում իրեն պատկանող հողատարածքում գմբեթաձև «համայնքային տներ» է կառուցում. հրապարակվել են առաջին լուսանկարները (լուսանկարներ)

Ամերիկացի ռեփեր, ամերիկյան Keeping Up With the Kardashians իրապատում շոուի աստղ Քիմ Քարդաշյանի ամուսին Քանյե Ուեսթը սկսել է Կալաբասաս քաղաքում իր 300 ակր սեփականության վրա «համայնքային տների» շինարարական աշխատանքները, որոնց լուսանկարները հայտնվել են TMZ-ում:

Forbes-ին ավելի վաղ տված հարցազրույցում ռեփերը հայտնել էր, որ «հուսով է՝ գմբեթաձև տները կօգտագործվեն անօթևանների բնակեցման նպատակով»:

Աղբյուրի փոխանցմամբ՝  Քանյեի թիմը ջանք ու եռանդ չի խնայում ծրագիրն իրականացնելու համար:

Հայտնի չէ, թե երբ է նախատեսվում ավարտել նախագիծը և թե ովքեր են այնտեղ բնակվելու հնարավորություն ստանալու: